Յուրա Մովսիսյանի ու Գևորգ Ղազարյանի բացակայությունը կզգացվի. Հ.Մխիթարյան
«Նորեկները շատ լավ ֆուտբոլիստներ են: Նրանց կօգնենք, որպեսզի արագ հարմարվեն ու կարողանան օգտակար լինել: Առաջին մարզումը շատ լավ անցավ: Հույս ունենք՝ լավ կպատրաստվենք խաղին: Ամեն ինչ կանենք, որպեսզի լավ տրամադրությամբ հաջողություն մաղթենք Ռոման Բերեզովսկուն:Ռոբերտ Արզումանյանի հետ դեռ չեմ խոսել, բայց հարգում եմ նրա որոշումը: Եթե նա որոշել է ավարտել կարիերան ազգային ընտրանու կազմում, ապա կարող եմ միայն շնորհակալություն հայտնել նրան հավաքականում անցկացրած տարիների համար: Ճիշտ է, ցավալի է, բայց պետք է առաջ շարժվենք, մտածենք, որ հավաքականում կան ֆուտբոլիստներ, ովքեր կփոխարինեն նրան:
Յուրա Մովսիսյանի ու Գևորգ Ղազարյանի բացակայությունը կզգացվի, բայց կան ֆուտբոլիստներ, ովքեր, հավանաբար, պատրաստ կլինեն խաղալ նրանց փոխարեն: Եթե մարզիչը որոշել է չհրավիրել նրանց, ուրեմն այդպես է պետք: Ես չեմ կարող ասել, թե ինչու է մարզիչը նման որոշում կայացրել»,-Հայաստանի ազգային հավաքականի առաջատար Հենրիխ Մխիթարյանը նշել է, որ ազգային հավաքականում կփորձեն հնարավորինս օգնել հավաքականի նորեկներին:
Հետևեք մեզ Viber-ում
