«Արսենալ»-ի երկրպագուները պահանջում են Վենգերի հեռացումը

Չնայած այն հանգամանքին, որ Լոնդոնի «Արսենալ»-ը Պրեմյեր լիգայի 31-րդ տուրում 0:2 հաշվով վստահ հաղթանակ տարավ «Էվերթոն»-ի նկատմամբ, թիմի երկրպագուների մի մասը պահանջում է Արսեն Վենգերի հեռացումը՝ գրում է բրիտանական «Daily Mail»-ը: «Էվերթոն»-ի տնային մարզադաշտում այսօր լոնդոնյան ակումբի երկրպագուները պաստառներ են բարձրացրել՝ ի նշան Արսեն Վենգերի հեռացման: Պաստառներից մեկի վրա գրված էր. «Ո´չ «Արսեն ՖԱ»-ին»: Հաղորդվում է, որ երկրպագուները Վենգերի հրաժարականը պահանջում են Անգլիայի գավաթի խաղարկության քառորդ եզրափակիչից թիմի դուրս մնալուց հետո: Ամեն դեպքում, սակայն, «զինագործներ»-ի ղեկավարությունը վստահում է ֆրանսիացի մասնագետին: