Լեւոն Արոնյան vs Սերգեյ Կարյակին

  Մոսկվայում շարունակվող շախմատի աշխարհի չեմպիոնի հավակնորդների մրցաշարի երկրորդ հանգստյան օրվանից հետո մարտի 19-ին կկայանան 7-րդ տուրի պարտիաները: Լեւոն Արոնյանը սեւերով կհանդիպի ռուսաստանցի Սերգեյ Կարյակինին, որի հետ գլխավորում է մրցաշարային աղյուսակը: Տուրի բոլոր պարտիաները կմեկնարկեն Երեւանի ժամանակով 15:00-ին: Հիշեցնենք, որ հայկական շախմատի առաջատարն ու Կարյակինն ունեն 4-ական միավոր: Լավագույն եռյակը եզրափակում է աշխարհի նախկին չեմպիոն Վիշվանաթան Անանդը, որը հավաքել է 3.5 միավոր: Հավակնորդների մրցաշար, 7-րդ տուր Սերգեյ Կարյակին (Ռուսաստան) - Լեւոն Արոնյան (Հայաստան) Անիշ Գիրի (Հոլանդիա) - Վիշվանաթան Անանդ (Հնդկաստան) Պյոտր Սվիդլեր (Ռուսաստան) - Ֆաբիանո Կարուանա (ԱՄՆ) Հիկարու Նակամուրա (ԱՄՆ) - Վեսելին Տոպալով (Բուլղարիա)