Նոր կառավարության համար առաջնահերթ խնդիր է արտահերթ ընտրությունների անցկացումը. Նիկոլ Փաշինյան

May 21, 2018 Comments Off on Նոր կառավարության համար առաջնահերթ խնդիր է արտահերթ ընտրությունների անցկացումը. Նիկոլ Փաշինյան

ՀՀ նոր կառավարության համար շարունակում է առաջնահերթ խնդիր մնալ արտահերթ ընտրությունների անցկացումը: Նախագական նստավայրում կառավարության անդամների երդմնակալության արարողությունից հետո լրագրողների հետ զրույցում այս մասին ասել է վարչապետ Նիկոլ Փաշինյանը:

«Ես արդեն 13 օր վարչապետի կարգավիճակում եմ և ինձ համար շատ կարևոր էր երդման տեքստն ընթերցելիս վերլուծել այս տասներեք օրերի ընթացքը, և ուրախ եմ, որ ճշգրիտ վարվել եմ այնպես, ինչպես նախատեսված է այդ երդման տեքստում: Արտահերթ ընտրությունները առաջնահերթություն են մեզ համար, բայց դա չի նշանակում, որ  դա միակ խնդիրն է, որ մենք պետք է լուծենք: Կառավարությունը պետք է բնականոն գործի, կառավարությունը ունի և ունենալու է երկարաժամկետ ծրագրեր, ինչը չի նշանակում, որ մեկը մյուսին հակասում է: Ի վերջո, արտահերթ ընտրություններում այս կառավարությունը նույնպես հանդես է գալու, թե ինչ ֆորմատով՝ դա արդեն ուրիշ խնդիր է»- ասաց Փաշինյանը:

Գլխավոր Թողարկում
Մեկնաբանությունները փակ են: