«Իսկ ես ո՞ւմ սիրուն չեմ արժանացել».իսլամական շուկան ձգում է

Feb 08, 2018 Comments Off on «Իսկ ես ո՞ւմ սիրուն չեմ արժանացել».իսլամական շուկան ձգում է

«Հրապարակ» թերթը գրում է. «Իսլամական շուկան գայթակղիչ է դարձել հայ գործարարների համար։ Այժմ այնտեղ փորձում է մուտք գործել եւ այդ նպատակով բանակցություններ է վարում ՀՀԿ-ական նախկին պատգամավոր, գարեջրի բիզնեսով զբաղվող Հակոբ Հակոբյանը։ «Ոչ միայն իսլամական, այլեւ՝ ռուսական, ԱՄՆ շուկա»,- ասաց գործարարը։ Խորհրդարան չանցնելուց հետո Հակոբյանը լծվել է սեփական բիզնեսի բարգավաճմանը։ Անցած տարի նոյեմբերին «Կիլիկիա»-ի սեփականատերը Դիլիջանում եւս մի գարեջրի գործարան բացեց, որն ավելի շատ համապատասխանում է եվրոպական ստանդարտներին։

«Բա որ Հայաստանում հնարավոր չէ, էլ որտե՞ղ է հնարավոր բիզնես անել»,- «քննադատողներին» հռետորական հարց է ուղղում նա։ Դիտարկմանը, թե ամեն մարդ չի կարող արժանանալ իշխանությունների «սիրուն», պատասխանում է․ «Իսկ ես ո՞ւմ սիրուն չեմ արժանացել։ Կարող եմ ասել, որ բոլորի կողմից հարգված մարդ եմ»։ Նա գոհ է նոր գործարանի արտադրանքի սպառումից․ «Գարեջուրը սեզոնային է, բայց էլի գոհ եմ»։

Առավել մանրամասն՝ թերթի այսօրվա համարում

Գլխավոր Թողարկում, Մամուլ
Մեկնաբանությունները փակ են: