Որպեսզի Սաֆարովը վաղը չդառնա զորքերի հրամանատար, պետք է արդարահատույց լինենք

Dec 15, 2017 Comments Off on Որպեսզի Սաֆարովը վաղը չդառնա զորքերի հրամանատար, պետք է արդարահատույց լինենք

Հունգարիայում հայազգի Գուրգեն Մարգարյանին դաժանաբար կացնահարած Ռամիլ Սաֆարովին  Ադրբեջանում փոխգնդապետի կոչում են շնորհել:

Հիշեցնենք, որ  2004 թվականի փետրվարի 19-ին Բուդապեշտում ադրբեջանցի սպա Ռամիլ Սաֆարովը քնած ժամանակ կացնահարեց Հայաստանի ԶՈւ սպա Գուրգեն Մարգարյանին: Երկու սպաները Հունգարիայի մայրաքաղաքում մասնակցում էին անգլերեն լեզվի դասընթացներին՝ ՆԱՏՕ-ի ծրագրի շրջանակում: Հունգարիայի դատարանը Ռամիլ Սաֆարովին դատապարտեց ցմահ բանտարկության` առաջին 30 տարիներին առանց ներման իրավունքի:

2012 թվականին Հունգարիան Ադրբեջանին է արտահանձնում Ռամիլ Սաֆարովին, իսկ այդ երկրի նախագահը նրան ներում շնորհում, ապա հերոսի կոչում է տալիս: Թեև արտահանձման  գործարքին դեմ էին թե Հայաստանի, և թե Հունգարիայի հասարակությունները, ու այն ակնհայտորեն հակասում էր Հունգարիայի շահերին, միևնույն է, դա տեղի ունեցավ:Հետագայում պարզվեց, որ արտահանձնման վերաբերյալ բանակցությունները բավականին երկար են տևել: Սակայն, Հայաստանի արտաքին հետախուզությունը չկարողացավ նախապես տեղեկանալ արտահանձնման մասին (դա կկանխեր արտահանձնումը): Ավելին, թեև դեպքից հետո խորհրդատվության ժամանակ Սերժ Սարգսյանը ԱԱԾ այն ժամանակվա տնօրեն, հանգուցյալ Գորիկ Հակոբյանին  ասաց. «Գորիկ Գուրգենիչ, Ձեր համար առանձին հանձնարարական ունեմ» ու շատերը ենթադրեցին, որ այդ հանձնարարականը Սաֆարովի մասին էր, սակայն դրանից հետո էլ ոչինչ չպատահեց նրան:  Խոսքը 2012-ի օգոստոսի 31-ին  տեղի ունեցած խորհրդակցության մասին է, որի ընթացքում նախագահը բառացի կոնկրետացրել էր.«Գորիկ Գուրգենիչ, խորհրդակցությունից անմիջապես հետո կգաք ինձ մոտ, հատուկ հանձնարարություն ունեմ ձեզ տալու: Դա կապված է Ռամիլ Սաֆարովի ազատ արձակման հետ»:

Ընդդիմադիր որոշ պատգամավորներ մի քանի անգամ այս առիթով հրապարակային հարցրեցին՝ ԱԱԾ-ն այդ հատուկ հանձնառությունն ի վիճակի եղե՞լ է կատարել, թե՞ ոչ, սակայն ամեն անգամ պատկան մարմինները շրջանցեցին հարցը: Քաղաքագետ Լեւոն Շիրինյանը ասում է՝ եթե իսկապես Սերժ Սարգսյանի հանձնարարել էր, ապա պետք է հետմահու շնորհազրկի վերջինին.<<Սաֆարովի արածն ամբողջ հայության դեմ է ուղղված,մեր հայության արժանապատվության հետ են խաղում: Ու եթե Գորիկ Գուրգենիչը հանձնարարական է ստացել ու չի կատարել, գուցե չի կարողացել կատարել, ուրեմն պետք է շնորհազրկեն նրան>>: Քաղաքագետի խոսքով հայ ժողովուրդը չպետք է պատրանքներ ունենա՝ << թուրքը թուրք է մնում>>.<<Հայտնի մտավորականներից մեկն ասել է, որ թուրքերը ծնվում են հակահայ եւ հրեշ >>:
Լեւոն Շիրինյանը հիշում է, որ մենք ունեցել են վրիժառության լավագույն ավանդույթներ.<<Դաշնակցությունը , երբ տեսավ, որ համաշխարհային մակարդակով ձեռնտու է թուրքին չկպչելը, 1919 թվականին Երեւանում ՀՅԴ-ն 9-րդ ժողովի ժամանակ հայատյաց թուրքերի եւ դավաճան հայերի ցուցակ կազմեց ու բոլորի հարցերը լուծեցին>>: Քաղաքագետը նկատի ունի Հայոց Ցեղասպանության մեղավոր-հեղինակների ոչնչացման ՆԵՄԵՍԻՍ գործողությանը, որի  Պատասխանատու մարմնի ղեկավարը ՀՅԴ-ական Արմեն Գարոն էր, որը Ժնեւից ղեկավարում էր գործընթացը.<<Այո, սկզբունքն այն էր, որ հայության արյուն թափած ոչ մի ոճրագործ չպետք է կենդանի մնար: Եւ իմացեք, մենք ՆԵՄԵՍԻՍ ենք ունեցել, որը աշխարհում ոչ մի պետություն չի դատապարտել:Իսկ ո՞ւր է այսօրվա Դաշնակցությունը>> հռետորական հարց է հնչեցնում քաղաքագետը ու պատասխանում.<<Հիմա էլ այդ ՀՅԴ-ն չկա, այն օլիգարխացած է, 2000 թվականից հետո այդ կուսակցությունն ընդհանրապես կապ չունի իրական ՀՅԴ-ի ավանդույթների հետ>>:Քաղաքագետի խոսքով եթե աշխարհը չի դատապարտում, ապա մենք պետք է արդարահատույց լինենք.<Այլապես նա վաղը կդառնա գեներալ, գուցե եւ զորքերի հրամանատար>>:

Անի Սահակյան

Գլխավոր Թողարկում, Վերլուծություն
Մեկնաբանությունները փակ են: