Հայաստանը «փաշինյանների» պակաս երբևէ չի ունեցել․ Կարեն Հեքիմյան
Կարեն Հեքիմյանը ֆեյսբուքյան իր էջում գրել է․
«Հայաստանը «փաշինյանների» պակաս երբևէ չի ունեցել:
Օրինակ` խորհրդային տարիներին Հայաստանի և Ադրբեջանի սահմանային հարցերին վերջնական լուծում տրվեց 1928թ: Այդ ժամանակ Անդրկովկասյան դաշնության Բանվորների, գյուղացիների և կարմիր բանակայինների խորհուրդների գործադիր կոմիտեին կից ստեղծվեց տարածքային վեճերի լուծման հանձնաժողով: Վերջինիս գործունեության արդյունքում Հայաստանին պատկանող տարածքներում «սահմանանշաններ» դրվեցին: Այսպես առաջացան, մասնավորապես` Յուխարի Ասքիփարա (Վերին Ոսկեպար) և Սոֆուլու|Բարխուդարլու «ադրբեջանական» անկլավները:
1928թ առաջին կեսին ՀԿԿ ԿԿ-ի առաջին քարտուղարն էր Հայկ Հովսեփյանը, երկրորդ կեսին` Հայկազ Կոստանյանը:
1928թ ՀԽՍՀ Կենտրոնական գործադիր կոմիտեի նախագահն էր Արտաշես Կարինյանը:
1928թ ՀԽՍՀ Ժողովրդական կոմիսարների խորհրդի նախագահն էր Սահակ Տեր-Գաբրիելյանը:
Վերջիններիս անվամբ Հայաստանի տարբեր բնակավայրերում փողոցներ կան, ինչպես նաև հուշատախտակներ են տեղադրված»։
Հետևեք մեզ Viber-ում
