Թուրքիան իրավունք չունի դատապարտել որևէ երկրի՝ մոռանալով Հայոց ցեղասպանության մասին․ Fox News
Ամերիկուհի հաղորդավար, քաղաքական մեկնաբան Լիզա Քենեդի Մոնթգոմերին, Fox Business-ի եթերում իր հեղինակային ծրագրի շրջանակում անդրադառնալով թուրք-իսրայելական հարաբերությունների նոր լարվածությանը, նշել է, որ Թուրքիան իրավունք չունի դատապարտել որևէ երկրի: «Թուրքիան դարձել է ստվերային, ավտորիտար, իրավախախտ, ԴԱՒՇ-ին զիջող, դժոխային երկիր, որը ոչ մի իրավունք չունի իր հարևան երկրներից որևէ մեկի համար բարոյականության քարոզներ կարդալու: Թուրքիան պետք է որ մեր չափավոր դաշնակիցը լինի, ՆԱՏՕ-ի անդամ երկիր, որի հետ կարևոր է պահպանել այս կեղծ վանկախաղը, քանի որ չենք կարող պարկեշտություն դրսևորել՝ ճանաչելու համար Հայոց ցեղասպանությունը: Թուրքիան էր այն երկիրը, որը համարձակվեց Գազայի հատվածում պաղեստինցիների սպանությունն անվանել «կոտորած» կամ «ցեղասպանություն»: Դա բարդ է հասկանալ՝ հաշվի առնելով, որ անցյալ դարում 1.5 մլն հայ է սպանվել օսմանցիների կողմից Հայոց ցեղասպանության ժամանակ», -ասել է հաղորդավարը: