Ոստիկանական վայրագություններից տուժած գնդապետը հոսպիտալացվել է. նորից կհետազոտվի
Գիշերը Բագրատաշենում անհնազանդության ակցիաների ժամանակ ոստկանական վայրագություններից տուժել է գնդապետ Միհրան Մախսուդյանը, գլխի հատվածում ստացած ուժգին հարվածներից հետո ուղեղի ցնցումով նրան տեղափոխել են Նոյեմբերյանի հիվանդանոց. գնդապետի ինքնազգացողությունը շարունակում է մնալ նույնը։ Այսօր էլ նա կմնա հոսպիտալացված ԼՈՒՐԵՐ.com-ին հայտնեց որդին՝ Վահագն Մախսուդյանը։
Վերջինիս խոսքով՝ գնդապետի ինքնազգացողությունը շարունակում է վատ մնալ, ուժեղ գլխապտույտներ ունի, սրտխառնոց, ցավեր, բժիշկները հրաժարվում են դուրս գրել առայժմ, ցուցված է լրացուցիչ անգամ գլխի հատվածում ԿՏ հետազոտություն, որպեսզի հստակ ախտորոշվի գլխի հատվածում ստացած հարվածներից՝ արդյոք լուրջ վնասվածքներ չունի։
Հիշեցնենք՝ Տավուշում երեկ գիշերը Բագրատաշենի ճանապարհը փակելու ակցիաների ժամանակ բախումներ էին եղել ոստիկաննների ու անհնազանդության ակցիայի մասնակիցների միջև, բերման ենթարկված մոտ քսան ակտիվ մասնակիցներին ազատ էին արձակել, իսկ շարժումն առաջնորդողներից Սուրեն Պետրոսյանը ձերբակալվել եւ տեղափոխվել է Երեւան։
Ընդգծենք` ակցիաների ժամանակ ոստիկանները քաշքշել էին նաեւ Սրբազան հորը, եւ ինչպես ավելի ուշ ոստիկանական բաժանմունքի մոտ հայտնել էր Տավուշի թեմի առաջնորդը` ոստիկանական կոշտ եւ անհամաչափ գործողությունների թիրախում հատկապես գնդապետ Մախսուդյանն է եղել։
Առանձնակի դաժանությամբ են հարվածներ հասցրել մեկին` գնդապետ Մախսուդյանին, ով Տավուշում սահմանազատման անվան տակ հողերի հանձնման պրոցեսի դեմ ընդվզումների ակտիվիստներից է։
Հետևեք մեզ Viber-ում
