Մեր տղաների մի մասն այս պահին էլ Տավուշում են, 2-3 օր կբացակայեմ, հետո հզոր ակցիաներ են լինելու. Սերոբ Գասպարյան
3 տարի է տարբեր հարթակներից խոսում ենք մեր երկրում ստեղծված իրավիճակի մասին, մենք արդեն 3 տարի է ասում ենք, որ ունենք դավաճան իշխանություն, որն ամեն ինչ անելու է մեր հայրենիքը կապիտուլիացիայի ենթարկելու, դրա համար ամեն ինչ անելու ենք, պայքարելու ենք մինչև վերջ։ Այս մասին «Փաստինֆոյի» հետ զրույցում ասաց «Սև հովազ» ջոկատի հրամանատար Սերոբ Գասպարյանը։
«Փաստինֆո»-ն հետաքրքրվեց՝ արդյոք հիմա տավուշցիների կողքին են, ի վերջո, դա միայն Տավուշը խնդիրը չէ եւ ապօրինի սահմանազատումն ամբողջ երկրի վրա է անդրադառնալու՝ Գասպարյանն արձագանքեց «Մեր կարգախոսը գիտեք՝ «Նվիրյալները չեն դավանափոխվում», մենք երբևէ չենք դավանափոխվել ու մեր ժողովրդի կողքին ենք, մեր սահմաններում ենք, մեր դիրքերում ենք, եթե հրապարակային չենք խոսում, չենք երևում, չի նշանակում, որ չենք զբաղվում։ Մեր տղաների մի մասն այս պահին էլ Տավուշում են»։
Նրա փոխանցմամբ՝ մի քանի օր բացակայելու է երկրից, երբ կվերադառնա՝ ամեն բան անելու են իրադարձությունների ընթացքը փոխելու համար։
«Ակցիաներ ու գործողություններ անելու մեր ծրագրերը ուժի մեջ են։ Հզոր ակցիաներ են լինելու ողջ հանրապետությունում»,- վստահեցրեց նա։
Հետևեք մեզ Viber-ում
