Նման «դոկտոր»-ներ ունեցող ազգին նույնիսկ թշնամիներ հարկավոր չեն ինքնաքայքայման համար. Ալլա Հակոբյան

Գրող, հրապարակախոս ԱԼԼԱ ՀԱԿՈԲՅԱՆՆ անդրադառնալով քաղաքագիտության դոկտոր Արկադի Վարդանյանի հակառուսական ելույթներին՝ նշել է.

«Սովետների օրոք «Арменпресс»-ում ժուռնալիստ աշխատած, իսկ այսօրվա Հայաստանում քաղաքագիտության դոկտոր դարձած անձը, ինչպես պարզվում է հարցազրույցից, ատելությամբ է լցված Ռուսաստանի դեմ: Սակայն, ԱՏԵԼՈՎ ռուսական ամեն ինչն, այնուամենայնիվ, ավարտել է ԵՊՀ լեզվաբանության ֆակուլտետը հենց ՌՈՒՍԱՑ լեզու եւ գրականություն մասնագիտությամբ, այլ ոչ ՀԱՅՈՑ։

Լեւոնի սեւ ու մութ տարիներին՝ 1996 թվականին, այսինքն՝ արդեն ԱՆԿԱԽԱՑԱԾ Հայաստանում դարձյալ նախընտրել է հե՛նց Մոսկվայում շարունակել իր կրթությունը եւ ավարտել է Մոսկվայի մանկավարժական համալսարանը՝ ստանալով քաղաքագիտության թեկնածուի աստիճան։ Երկու տարի անց՝ 1998 թվականին, դարձյալ նո՛ւյն Մոսկվայում, նո՛ւյն Մոսկվայի մանկավարժական համալսարանում ստացել է քաղաքագիտության դոկտորի աստիճանը։ Հարց է ծագում, լավ, ինչո՞ւ մարդը կամովի տարիներ շարունակ անց է կացրել իր ատելի միջավայրում: Միգուցե պատասխանը նյութի դաշտո՞ւմ է... Կոմֆորտ, բարեկեցություն...

Այսօրվա կատեգորիկ «սկզբունքայնությունը» ցուցաբերեիք մասնագիտություն ընտրելիս, չէ՞ որ Սովետների օրոք նույնիսկ «Երեկոյան Երեւան» թերթում ժուռնալիստ չէիք կարող աշխատել, եթե ձեր հոդվածները ՉՀԱՄԱՊԱՏԱՍԽԱՆԵԻՆ ՊԱՐՏԻԱՅԻ ՈՒՂՈՒՆ: Այդքան սկզբունքային էիք ընտրեիք ավելի «անշառ» մասնագիտություն: Օրինակ, Գավառում կարտոֆիլ աճեցնեիք, կամ դուք էլ բժիշկ դառնայիք...

Ի՞նչ ասես... ՃԵՐՄԱԿԱԾ մազերով, սակայն այդպես էլ ԻՄԱՍՏՈՒԹՅՈՒՆ ձեռք չբերած, ոտից գլուխ ԱՐԵՎՄՏԱՑԱՎՈՎ տառապող անբուժելի «դոկտոր»...
Ամերիկյան հնդիկներ ՑԵՂԱՍՊԱՆԱԾ Ամերիկան այս «ՔԱՂԱՔԱԳԻՏՈՒԹՅԱՆ դոկտոր»-ի համար ՔԱՂԱՔԱԿԻՐԹ երկիր է, սակայն ՀԱԶԱՐԱՄՅԱ տարիների մշակույթ ունեցող Չինաստանը, կամ Իրանը՝ ո՛չ: Երեւանյան տաքսիստների հետ զրույցի բռնվելիս երբեմն ավելի խելացի մտքեր ես լսում, քան այս «քաղաքագիտության դոկտոր»-ի...

Նման «դոկտոր»-ներ ունեցող ազգին նույնիսկ թշնամիներ հարկավոր չեն ԻՆՔՆԱՔԱՅՔԱՅՄԱՆ համար...»: