Մոտալուտ պատերազմի հոտ է գալիս...

Այսօր Բաքվում կայացել է Ադրբեջանի նախագահ Իլհամ Ալիևի հանդիպումը ԵԱՀԿ Մինսկի խմբի ռուսաստանցի համանախագահ, Ռուսաստանի ԱԳՆ հայ-ադրբեջանական հարաբերությունների գծով հատուկ բանագնաց Իգոր Խովաևի հետ, հաղորդում է APA գործակալությունը՝ հիշատակելով միայն Խովաևի բանագնաց լինելու փաստը։

Խովաևի սպասվող այցի մասին Ռուսաստանի ԱԳՆ տեղեկացրել էր նախորդ շաբաթ։ Ավելի վաղ, նոյեմբերի 14-ին ռուսաստանցի բանագնացն այցելել էր Հայաստան՝ հանդիպելով վարչապետ Փաշինյանի և արտգործնախարար Միրզոյանի հետ։

Այսօր նրան ընդունել է Ադրբեջանի նախագահ Իլհամ Ալիևը։ Իգոր Խովաևի այցին ճեպազրույցի ժամանակ անդրադարձել է նաև ՌԴ ԱԳՆ պաշտոնական ներկայացուցիչ Մարիա Զախարովան՝ նշելով, որ հատուկ ներկայացուցիչը նոյեմբերի 14-ին Երևանում էր, այժմ այցելել է նաև Բաքու։ «Այդ շփումների ընթացքում քննարկվում է, այդ թվում, խաղաղության պայմանագրի հարցը»,- ասել է Մարիա Զախարովան։

Ու մինչ երեկ Երևան էր ժամանել ՌԴ նախագահ Վլադիմիր Պուտինը և հույս հայտնել, թե Հայաստանն ու Ադրբեջանն ի վերջո խաղաղության համաձայնագիր կստորագրեն՝ Բաքուն այսօր Հայաստանին մեղադրում է ռազմականացման և Ղարաբաղում սադրանքների համար պայմաններ ստեղծելու մեջ, ռազմականացմամբ ու «ռևանշիստների» պատճառով խաղաղության օրակարգը տապալելու համար ...

«Հայաստանը սպառազինություն է տեղափոխում այն տարածքում, որում տեղակայված են ռուսաստանցի խաղաղապահները, պայմաններ է ստեղծում ռազմական սադրանքների համար», - Turan գործակալության փոխանցմամբ՝ այսօր Բաքվում կայացած խորհրդակցության ժամանակ նման հայտարարությամբ է հանդես եկել Ադրբեջանի Պետանվտանգության ծառայության փոխտնօրեն Ջեյհուն Շադլինսկին։ «Հայաստանի ռևանշիստական ուժերի գործունեությունը, այդ երկրի ռազմականացումը, ֆինանսական կարողությունները գերազանցող սպառազինության ձեռքբերումը, խաղաղ պայմանագրի կնքումն ամեն կերպ ձգձգելը այն հիմնական գործոններն են, որ խոչընդոտում են Բաքվի և Երևանի միջև հարաբերությունների կարգավորմանը», - հայտարարել է Ադրբեջանի Պետանվտանգության ծառայության փոխտնօրենը։

Գերատեսչության պաշտոնական հաղորդագրության համաձայն՝ ելույթ ունենալով ուժային կառույցի կազմակերպած համաժողովին՝ Շադլինսկին պնդել է, թե Հայաստանի իշխանությունները «ձգտում են հնարավոր բոլոր միջոցներով ձգձգել» հայ-ադրբեջանական խաղաղության պայմանագրի ստորագրումը։ Ադրբեջանի պետանվտանգության ծառայության ղեկավարի տեղակալը նաև հայտարարել է, թե Բաքուն փաստեր ունի «ռուս խաղաղապահների տեղակայման տարածքներ զենքի փոխադրման», ինչպես նաև «ռազմական սադրանքների համար պայմանների ստեղծման» մասին: Մանրամասներ, սակայն, նա չի ներկայացրել։

Մինչ Ադրբեջանի ուժային կառույցի բարձրաստիճան պաշտոնյան Հայաստանին մեղադրում էր սպառազինություն ձեռք բերելով խաղաղության օրակարգը տորպեդահարելու համար, մեկ այլ պաշտոնյա պատմել է Ադրբեջանի զինված ուժերի հզորացմանն ուղղված քայլերի մասին։ Համաժողովին ներկա պաշտպանության նախարար Զաքիր Հասանովը, մասնավորապես, հայտարարել է, որ երկրի նախագահի հանձնարարությամբ կառուցվում են նոր զորամասեր, շարունակում են ժամանակակից ռազմական տեխնիկա և սարքավորումներ ձեռք բերել բանակի համար՝ բարձրացնելու զինված ուժերի ռազմական պոտենցիալը։

Թեև Բաքուն շարունակ հայտարարում է, թե պատրաստ է խաղաղության, Իլհամ Ալիևը անցած օրերին իր ելույթներից մեկում ասել է, թե Ադրբեջանի կառավարությունը շարունակում է հսկայական գումարներ ծախսել բանակի վրա: Ընթացիկ տարում Բաքուն երկրի պաշտպանությանը և ազգային անվտանգությանը հատկացրել է մոտ 2,6 միլիարդ դոլար: Գրեթե նույնքան էր կազմում նաև անցած տարվա ռազմական բյուջեն։ Ադրբեջանի ֆինանսների նախարարության տվյալներով՝ մինչև 2025 թվականը երկրի ռազմական ծախսերը պետք է կազմեն գրեթե 2,8 միլիարդ դոլար։ Ադրբեջանի առաջնորդի խոսքով` ստիպված են ռազմական բյուջեն ռեկորդային մակարդակի հասցնել, քանի որ նույնիսկ պատերազմում պարտվելուց հետո Հայաստանից վտանգ են տեսնում։

«Ռազմական սադրանքները», «հայկական ուժերի դուրսբերման թերի գործընթացը», «ադրբեջանական տարածքների նպատակային ականապատումը», սրանք են Հայաստանից բխող վտանգները՝ ըստ պաշտոնական Բաքվի։ Այս մասին այսօր հայտարարել է Ադրբեջանի դիվանագիտական գերատեսչությունը՝ պնդելով, որ հայկական կողմի այդ քայլերը խոչընդոտում են ադրբեջանական կողմի լայնածավալ վերականգնողական, շինարարական աշխատանքներին, վերաբնակեցման գործընթացին։
«Ընթացիկ տարվա օգոստոսից Ադրբեջանի և Հայաստանի միջև սահմանին՝ Քելբաջարի և Լաչինի հատվածներում, հայտնաբերվել է 1119 ական, ղարաբաղյան տնտեսական շրջանում՝ 1609 ական արտադրված Հայաստանում 2021 թվականին»,- նշել է Ադրբեջանի արտգործնախարարությունը՝ պնդելով, որ վերջերս հայտնաբերված ականները վկայում են, որ Հայաստանը Լաչինի միջանցքը «օգտագործել է ապօրինի ռազմական գործունեության համար»։

Ինչպես նկատում ենք, Ադրբեջանի պաշտոնյաների խիստ «խաղաղասիրական» ելույթներ տոնայնություններից՝ մոտալուտ պատերազմի հոտ է գալիս...

Ալիևն ամեն ինչ անում է, որպեսզի «հիմնավորի» նոր պատերազմ սկսելու իր քայլը: Սա մոտալուտ պատերազմի խոսք է, մանավանդ, որ Հայաստանի դաշնակիցները պարզ ու հստակ ասացին, որ իրենք «Ադրբեջանին զսպող» չեն, հետևաբար, էլ ի՞նչն է հետ պահելու Ալիևին...

Մետաքսյա Շալունց

դիտվել է 4622 անգամ
Լրահոս
Սկսում ենք ընկնել ընդդիմության ետևից՝ բա դուք ո՞ւր եք, շուտ արեք, սրանց հեռացրեք՝ Ղարաբաղից յան են տվել․ Սևակ Հակոբյան «Ի պատասխան ընդերքի և բնապահպանական հարցերի վերաբերյալ ադրբեջանական շահարկումների»․ ԱՀ բնապահպանության կոմիտեի հայտարարությունը Երևանի Սիլիկյան թաղամասում ավտոմեքենան կամրջից շրջվել է․ կա տուժած Ադրբեջանի Պաշտպանության նախարարությունը տարածել է հերթական ապատեղեկատվությունը. Պաշտպանության բանակ Տարադրամի փոխարժեքները Մենք ապրում ենք մեր դարավոր պատմության ամենադաժան ժամանակահատվածը. Թովմասյան (լուսանկար) Ստեփանակերտ տանող ճանապարհի փակումը ռուս խաղաղապահներին Արցախից հանելու նպատակ ունի. Գևորգյան Մի շարք հասցեներում լույս չի լինի Կիևում անջատվել է էլեկտրաէներգիան Հանրապետության հրապարակում և Մարզահամերգային համալիրում ոստիկանությունը մետաղորսիչների միջոցով ստուգելու է քաղաքացիներին և նրանց իրերը Դուք հաղթելու եք այս կռվում, մի քիչ դիմանալ է պետք. Գեղամ Մանուկյան Խրախճանք` ժանտախտի ժամանակ. սա՛ է այս իշխանությունների որդեգրած քաղաքականությունը․ Հռիփսիմե Ստամբուլյան Եվրոպան՝ առանց ռուսական նավթի Ինչպես էին ադրբեջանցիները փակել Ստեփանակերտ-Գորիս ճանապարհը (տեսանյութ) 76-ամյա տղամարդը ձերբակալվել է՝ որդու և հարսի նկատմամբ սպանության փորձ կատարելու կասկածանքով Դիլիջանի ՔՊ-ական համայնքապետը շարունակում է ձեւական աճուրդներով, շուկայականից էժան գներով համայնքի հողերն օտարել Երեւանի բնակիչների Իրանը կոչ է արել ամրապնդել կապերը Ռուսաստանի հետ Հանրապետության առանձին շրջաններում սպասվում է ձյուն Ու երբ բացեն ճանապարհը, չմոռանաք կարևոր հարց տալ.ինչի դիմաց Պեմզաշենի դեպքով կալանավորվածներից մեկը փորձել է ինքնասպան լինել Առաջիկա երկու օրերին երեւանցիներն ավտոբուսներում եւ միկրոավտոբուսներում ավելի են կծկվելու,նսեմանալու Հայաստանում մոտ 1.5 միլիոն քաղաքացի համարվում է աղքատ, իսկ թերսնվածների թիվը կրկնապատկվել է ԵԽ պատգամավորը ԵՄ-ին առաջարկում է որպես Ադրբեջանին զսպող առաջնային քայլ հրաժարվել գազային գործարքից Դեռ ավելի վատ է լինելու, քանի դեռ Հայաստանում իշխում են դե-ֆակտո օկուպացիոն ուժեր, որոնք չեն սպասարկում մեր ազգային շահերը․ Էլբակյան Ինչի դիմաց են թուրքերը համաձայնել բացել ճանապարհը
Ամենաընթերցվածները
Շուտով
Դեկտեմբերի 5-ին, ժամը 13:30-ին, Հայելի ակումբի հյուրն է քաղաքագետ Սերգեյ Շաքարյանցը Դեկտեմբերի 5-ին, ժամը 12:00-ին, Հայելի ակումբի հյուրն է Դեմոկրատական կուսակցության նախագահ Արամ Գասպարի Սարգսյանը: Դեկտեմբերի 5-ին, ժամը 16:30-ին Հայելի ակումբի հյուրն է քաղաքագետ Հայկ Նահապետյանը Դեկտեմբերի 5-ին, ժամը 14:00-ին Հայելի ակումբի հյուրն է Ռուբեն Հակոբյանը Դեկտեմբերի 5-ին, ժամը 15:00-ին Հայելի ակումբի հյուրն է Էդգար Ղազարյանը Դեկտեմբերի 3-ին՝ ժամը 12:00-ին, «Հենարան» մամուլի ակումբում կհյուրընկալվի ՀՀԿ խորհրդի անդամ Հայկ Դերզյանը: ԹԵՄԱ՝ սահմանային լարվածություն. նոր պատերազմի ռիսկերը. ներքաղաքական զարգացումներ: Դեկտեմբերի 2-ին, ժամը 16:30-ին Հայելի ակումբի հյուրն է ՍԱՊԾ նախկին նախագահ Գրիգոր Գրիգորյանը։ Դեկտեմբերի 2-ին, ժամը 15:00-ին Հայելի ակումբի հյուրն է Ադրբեջանի հարցերով փորձագետ Գառնիկ Դավթյանը: Դեկտեմբերի 2-ին, ժամը 13:00-ին Հայելի ակումբի հյուրն է հոգեբան Կարինե Նալչաջյանը Դեկտեմբերի 2-ին, ժամը 12:00-ին Հայելի ակումբի հյուրն է պահեստազորի սպա Վոլոդյա Հովհաննիսյանը
Հետևեք մեզ Facebook-ում https://www.facebook.com/hayeliclub