Մենք ձեր ձեռքը պատա՞նդ ենք. Արմեն Գևորգյանի պաշտպանը՝ Դանիբեկյանին (video)
Երևանի ընդհանուր իրավասության դատարանում՝ դատավոր Աննա Դանիբեկյանի նախագահությամբ, մեկնարկել է ՀՀ երկրորդ նախագահ Ռոբերտ Քոչարյանի և ՀՀ նախկին փոխվարչապետ, ԱԺ «Հայաստան» խմբակցության պատգամավոր Արմեն Գևորգյանի գործով դատական նիստը։
«Հարգելի՛ դատարան, իմ միջնորդությունը վերաբերում է նրան, որ Արմեն Գևորգյանի նկատմամբ քրեական հետապնդում չի կարող իրականացվել ընդհանրապես։ Արմեն Գևորգյանն օգտվում է անձեռնմխելիությունից և այստեղ ոչ մի րոպե չպետք է նստի, լսի, թե ով ինչ ապացույց է հրապարակում։ Ձեր այս որոշումը թե՛ Քրդատ օրենքի խախտում է, թե՝ իրավունքի խախտում»,- նշեց պաշտպան Լուսինե Սահակյանը՝ հետաքրքրվելով, թե դատարանը ո՞ր նորմերով է առաջնորդվում նման որոշում կայացնելով:
«Ձեր միջնորդությունները քննարկելուց հետո Դուք կլքեք դատական նիստերի դահլիճը, ինչպես բազմիցս տեղի է ունեցել», - ի պատասխան ասաց դատավորը:
«Այսինքն՝ հարգելի դատարան, կարո՞ղ է մենք հիմա այստեղ պատանդի կարգավիճակ ունենք»,- նշեց Լուսինե Սահակյանը՝ դիմելով դատավորին։
Հետևեք մեզ Viber-ում
