Գյումրիի քրեական աշխարհը խուճապի մեջ է. News.am
Գյումրիում հունիսի 25-ին հնչած կրակոցների հետեւանքով Գյումրիի բժշկական կենտրոն տեղափոխված Գեորգի Հակոբյանի վիճակը ծանր է: Այս մասին NEWS.am-ի հետ զրույցում ասացին հիվանդանոցից՝ նշելով, որ Գեորգի Հակոբյանը շարունակում է մնալ Վերակենդանացման բաժանմունքում, գիտակցություն ունի, սակայն, վիճակը ծանր է:Նշենք, որ Գեորգի Հակոբյանը Ախուրյանի տարածաշրջանի նախկին դատախազ Հակոբ Հակոբյանի որդին է, նա տարիներ առաջ մահացել էր:NEWS.am-ի տեղեկություններով, Գյումրիում հնչած կրակոցների գործով ոստիկանները բերման են ենթարկել Գյումրիում քրեական հեղինակություն համարվող «գող Սուրոյին»:Մեր աղբյուրի փոխանցմամբ՝ Գյումրիի քրեական աշխարհը խուճապի մեջ է, ոմանք լքել են քաղաքը: Նրանք մտավախություն ունեն, որ գործի շրջանակում նաեւ իրենց բերման կենթարկեն:Հիշեցնենք, որ նախօրեին էլ բերման էր ենթարկվել «Չախալ» մականունով Կարեն Սարգսյանը: