Բաքվում գոհ չեն ԱԳՆ Ջեհյուն Բայրամովի սեպտեմբերի 24-ի թբիլիսյան այցից
Բաքվում գոհ չեն ԱԳՆ Ջեհյուն Բայրամովի սեպտեմբերի 24-ի թբիլիսյան այցից։
Հատկապես քողարկված դժգոհություն կա Վրաստանի նախագահի հետ հանդիպումից։
Վրաստանի ԱԳՆ-ի հետ հանդիպման ժամանակ Բայրամովը փորձել է հասկացնել Վրաստանին, թե որքան կարևոր է Ադրբեջանի դերը և շեշտել, որ «Ադրբեջանը Վրաստանի հիմնական առևտրային գործընկերն է և ներդրողը», սակայն վրացի նախարարը հիմնական շեշտադրումը դրել է Քեշիկչիդաղի խնդրի վրա։ Այնուհետև այս հարցի շուրջ տեղի է ունեցել փակ քննարկում։
Վարստանի ԱԳՆ-ի հետ հանդիպումից հետո Ադրբեջանի ԱԳՆ-ն հանիդպում է ունեցել Վրաստանի նախագահ Սալումե Զուրաբիշվիլիի հետ, որի ժամանակ նախագահը խոսակցության հիմնական նյութ է դարձրել Քեշիկչիդաղի խնդիրը։ Նա ռազմավարական նշանակություն է տվել այդ հարցին, ինչից էլ Ադրբեջանում առաջացել է մեծ դժգություն և փորձագիտական շրջանակներում այն կարծիքին են, որ այդ հանդիպմանն ընդհարապես չպետք է խոսվեր այդ հարցի մասին։
Ադրբեջանում կարծում են, որ Վրաստանն այդ կերպ հասկացնում է Ադրբեջանին, որ եթե Ադրբեջանը տարածքային զիջումներ չանի Վրաստանին, ապա Վարստանից չպետք է ակնկալեն Ադրբեջանի օգտին հայտարարություն Արցախի հարցում։
Ադրբեջանցի փորձագետները մինչև այդ հանդիպումները կարծիք էին հայտնել, որ Ադրբեջանի օգտին Արցախի հարցի շուրջ հայտարարության շրջանակներում Թուրքիայի, Պակիստանի և Ուկրաինայի կողքին կավելանա Վրաստանի անունը, սակայն հիմա նման կերպ չեն կարծում։ Ավելին, ակնրակում են, որ Վրաստանը չպետք է փորձի Ադրբեջանի հետ խոսել պայմանավորվածությունների լեզվով։
Կարեն Հովհաննիսյանի ֆեյսբուքյան էջից