Փաշինյանը անշրջահայաց, անպատասխանատու, արտաքին աշխարհի հիմնական խաղացողների համար ոչ արժանահավատ և դիլետանտ ղեկավար է

Բոլորը մի տեսակ խոսում են վարչապետի վատ անգլերենից, բայց BBC-տված հարցազրույցի ամենաանքննադատելի մասը կհամարեի նրա անգլերենը: Փոխարենը կառանձնացնեի 2 կարևորագույն հանգամանք

1. Վարչապետը հարցազրույց է տալիս գլոբալիստական մեդիապլատֆորմի առաջատար լրատվամիջոցներից մեկին, ինչն աշխարհաքաղաքական վերակառուցումների ներկայիս տրամաբանության առանցքում խոսում է <<հեղափոխության>>աշխարհաքաղաքական դիրքավորվածության մասին: Որպեսզի ավելի պատկերավոր լինի, Թրամփը խուսափում է ցանկացած ձևաչափով BBC-ի հետ շփումներից:

2. Հնչեցված հարցերին վարչապետի տված պատասխանների միայն 20%-ը այն էլ որոշ վերապահումով կարելի է համարել ճշմարտանման, 30%-ը լակոնիկ գլուխարդուկոցի էր, մնացած 50 %-ը ակնհայտ սուտ՝ համեմված պոպուլիստական ճարտասանությամբ:

Ընդհանրապես, վարչապետի կամ պետական այլ պաշտոնիայի լավ կամ վատ լինելու երրորդական չափորոշիչ գուցե կարելի է համարել լեզուների իմացությունը (դրանով անհնար է չափել արհեստավարժության աստիճանը), առաջնային չափորոշիչը, սակայն, սեփական երկրի, նրա պատմության, ներկայի և ապագայի հանդեպ ունեցած տրանսցենդենտալ պատասխանատվությունն է, երկրորդայինը՝ պետական գործչի արհեստավարժությունը,
նպատակաուղղվածությունը և կամքը: Առաջինի և երկրորդի բացակայությամբ երրորդը որոշիչն ուղղակի դերակատարում չունի: Եթե վարչապետը նույնիսկ հրաշալի տիրապետեր անգլերենի և էլի 10 օտար լեզուների, միևնույնն է դրանից չի փոխվելու իրականությունն առ այն, որ Փաշինյանը անշրջահայաց, անպատասխանատու, արտաքին աշխարհի հիմնական խաղացողների համար ոչ արժանահավատ և դիլետանտ ղեկավար է....

Գարեգին Պետրոսյանի գրառումը