Սիրիայի բանտերում ավելի քան 18 հազար մարդ է մահացել. Amnesty International
Սիրիայի բանտերում 2011-2015թթ. 18 հազար մարդ է մահացել, հայտնում է BBC-ն:Amnesty International միջազգային իրավապաշտպան կազմակերպության զեկույցը պարունակում է հարցազրույց 65 մարդու հետ, որոնք կտտանքների են ենթարկվել:Amnesty-ի տվյալով`Սիրիայում պատերազմն սկսելուց ի վեր` 2011 թվականի մարտից մինչև 2015թ. դեկտեմբերը երկրի բանտերում մահացել է 17723 մարդ: «Իրենց մրցակիցներին կոտրելու համար սիրիական իշխանությունները տասնամյակներով օգտագործել են կտտանքներ: Այսօր կտտանքները կրում են պարբերական բնույթ և կիրառվում են այն քաղաքացիական անձանց նկատմամբ, որոնք կասկածվում են ընդդիմադիր գործունեություն ծավալելու մեջ»,- հայտարարել է Մերձավոր Արևելքում և Հյուսիսային Աֆրիկայում Amnesty-ի ներկայացուցչության տնօրեն Ֆիլիպ Լյութերը: