Մակրոնն ու Մերկելը Բեռլինում «կորցրել» էին Պուտինին
Ֆրանսիայի նախագահ Էմանուել Մակրոնն ու Գերմանիայի կանցլեր Անգելա Մերկելը Բեռլինում Լիբիայի հարցով անցկացված միջազգային համաժողովի շրջանակում լուսանկարման արարողության ժամանակ «կորցրել» են Ռուսաստանի նախագահ Վլադիմիր Պուտինին: Տեսանյութը Twitter-ի իր էջում հրապարակել է Կրեմլի լրագրող Դմիտրի Սմիրնովը:
Տեսանյութում երևում է, որ Անգելա Մերկելը լուսանկարահանմանը պատրաստվելու ժամանակ հարցնում է ՄԱԿ-ի գլխավոր քարտուղար Անտոնիո Գուտերեշին, թե որտեղ է Պուտինը:
Մի քանի վայրկյան անց Ռուսաստանի նախագահը միացել է գործընկերներին, նրան դիմավորել է Մակրոնը, որից հետո Անգելա Մերկելը ցույց է տվել, թե որտեղ պետք է կանգնի Պուտինը լուսանկարվելու արարողության ժամանակ: