Նոր իշխանությունները սկսել են վերափոխել հայկական հասարակությունն ըստ իրենց պատկերացումների. REN.TV-ի անդրադարձը

11:35 - 11/նոյեմբերի/2019

Դիտել նաև Լևոն Քոչարյանի ու Փաշինյանի լարված հարցուպատասխանը. Նիկոլը հունից դուրս եկավ. տեսանյութ Ռոբերտ Քոչարյանին սպասարկած ինքնաթիռը կառավարությունը որոշեց մասնատել Ե՞րբ ենք հասկանալու, որ հնարավոր չէ գազանի հետ բանակցել, երբ գլուխդ գտնվում է նրա երախում. Լևոն Քոչարյան Պատմական նախագիծը և ժառանգված հնարավորությունների մսխումը

Ռուսական REN.TV հեռուստաալիքն անդրադարձել է ՀՀ երկրորդ նախագահ Ռոբերտ Քոչարյանին և նրա կալանքի տակ գտնվելուն:

«Ռոբերտ Քոչարյանը հետխորհրդային տարածքում առաջին նախկին նախագահն է, որը հայտնվեց ճաղերի հետևում: 2008 թ. մարտին անկարգություններից հետո նա արտակարգ դրություն մտցրեց, այն բանից հետո, երբ ամբոխները սկսեցին հետապնդել ու բռնություն կիրառել ոստիկանների նկատմամբ, զավթել ու վառել ոստիկանական մեքենաները: Ոչ միայն մեքենաները, Երևանի կենտրոնում խանութներն էին թալանում: Անկարգությունների ժամանակ 10 մարդ է զոհվել», - ասվում է ռեպորտաժում:

REN.TV-ի պատրաստված ռեպորտաժում ասվում է, որ նոր իշխանությունները սկսել են վերափոխել հայկական հասարակությունն ըստ իրենց պատկերացումների: Նշվում է, որ առաջինը նրանք սկսեցին Քոչարյանի ընտանիքից:

Ինքը՝ Ռոբերտ Քոչարյանը, «Իզվեստիա»-ին պատմել է, որ նրա առաջ նույնպես կանգնած է եղել նախկիններին հետապնդելու կամ չհետապնդելու հարցը:

«1998 թ. իմ իշխանության գալուց հետո եղել է ուժեղ հանրային պահանջ պատասխանատվության ենթարկել նախկին իշխանություններին: Ես դիմացա այդ ճնշմանը, գտնելով, որ պետք է առաջ նայել, ոչ թե պահքարել անցյալի դեմ», - հայտարարեց նա:

Անդրադարձել է կատարվել նաև Հայաստանում գործող հասարակական կազմակերպություններին, որոնք ֆինանսավորվում են արտերկրից և «Սորոսի» հիմնադրամից: