Նիկոլ Փաշինյանի կառավարության 6 մլրդ-ի ժառանգությունը նախկիններից. նոր փաստ
Նիկոլ Փաշինյանի ասուլիսում ներկայացրած 100 փաստերից մեկը վերաբերել է
2018 թվականի մայիսից մինչև օրս ի հայտ եկած 65 հազար 37 աշխատատեղերին:
Այս խնդրին նա օրերս անդրադարձել էր նաև ՖԲ գրառման մեջ: <<Իմիջիայլոց, ասեմ, որ այս փաստաթղթի պատրաստման ընթացքում այս թիվը 3 անգամ փոփոխություն է կրել, որովհետև սա մի աշխատանք է, որ ՊԵԿ-ն անընդհատ անում է, և այս թվերը դինամիկ փոխվում են: Իմիջիայլոց, որպեսզի ամբողջական լինի պատկերը, ասեմ, որ անցյալ տարվա սեպտեմբերի դրությամբ այս թիվը 32 հազար էր ավելացել, հետո հունվարին մենք որոշակի անկում ունեցանք, հետո փետրվարին դարձավ 52 հազար, հիմա՝ 64 հազար: Նկատի ունեմ որոշակի սեզոնայնության պատմականորեն անկումներ գրանցվում են: Այս պահի դրությամբ այս է թիվը>>,- հայտարարել է Փաշինյանը:
Նրա խոսքով` մինչև այս տարվա օգոստոսը ավելացված աշխատատեղերի հաշվով վճարվել է 22 միլիարդ 150 միլիոն դրամ աշխատավարձ, վճարվել է ավելի քան 6 միլիարդ դրամ եկամտային հարկ: Միջինացված աշխատավարձը շուրջ 400 հազար դրամ է կազմել:
<<Ընդհանուր առմամբ նոր գրանցված աշխատողները այս ընթացքում, սա հատուկ եմ ընդգծում, որպեսզի այն պնդումները, թե սա ընդամենը վիճակագրական ցուցանիշ է, պարզ լինի հանրությանը. այս մարդիկ կոնկրետ 6 միլիարդ դրամ հավելյալ հարկ են վճարել>>,- հայտարարել է Նիկոլ Փաշինյանը:
Ընդհանրապես նոր ի հայտ եկած աշխատատաղերի թեման նոր Հայաստանի նոնսենսներից մեկն է: Երկրի վարչապետը այս էլ որերորդ անգամ հայտարարում է, որ նոր աշխատատեղեր են ի հայտ եկել, սակայն չի ասում, թե դրանք նոր են ստեղծվել: Ընդհանրապես, առանվազն տարօրինակ է, որ Նիկոլ Փաշինյանը չի պարզաբանում, թե այդ աշխատատեղերը երբ են ստեղծվել: Եթե դրանք նոր են ստեղծվել, ապա այդ մասին պետք է շատ բարձր հայտարարել: Եթե դրանք նոր չեն ստեղծվել, գոյություն են ունեցել վաղուց, սակայն գրանցված չեն եղել, կնշանակի գորչ ունենք թաքցրած աշխատուժի հետ: Հետևաբար` տվյալ գործատուներին պետք է պարտադրել նախկինում թաքցված հարկերը ևս վճարել: Այսինքն` եթե այսօր Փաշինյանը հայտարարում է, թե 6 մլրդ-ից ավել եկամտահարկ է վճարվել, կնշանակի նույնքան գումար, կամ էլ գոնե դրա մի մասը, ժամանակին թաքցվել է և չի վճարվել:
Վսատահաբար կարելի է պնդել, որ Փաշինյանի ասած` նոր ի հայտ եկած աշխատատեղերը առավելապես ստեղծվել են նախկինում, որովհետև այդ նույն վիճակագրական տվյալներով, նոր աշխատատեղերի ավելացմանը զուհահեռ, ավելանում է նաև գործազուրկների թիվը:
Եթե մի պահ պատկերացնենք, որ նախկինում ստեղծված աշխատատեղերը չկային, հիմա ինչ փաստ էր ներկայացնելու Փաշինյանը: Գոնե պետք էր ազնիվ լինել և ասել, որ նախկինները հեղափոխական իշխանությանը ժառանգություն են թողել 65 հազար չգրանցված, սակայն փաստացի գործող աշխատատեղ և 6 մլրդ դրամի հարկային բազա: Բայց սա արդեն բոլորովին ուրիշ փաստ է` նոր Հայաստանի մասին:
Հայկ Դավթյան