Նիկոլ Փաշինյանն անդրադարձել է կադրային քաղաքականությանը
Ուղիղ եթերում օգտատերերի հարցերին է պատասխանել Նիկոլ Փաշինյանը և նշել, որ տեղյակ է, բոլոր դժգոհություններից: Օգտատերը հարց էր տվել՝ արդյոք Փաշինյանը տեղյակ է որոշ վիճահարույց նշանակումներից: «Եթե այդ որոշումների տակ իմ ստորագրությունն է, ապա տեղյակ եմ բոլոր նշանակումներից ու տեղյակ եմ նաև, որ որոշ նշանակումներ հարցեր են առաջացնում,- պատասխանել է վարչապետը:- Ես չեմ կարծում, որ մեր նշանակումներն իդեալական են, դրանց վրա բազմաթիվ գործոններ են ազդում: Ցանկացած մարդ ինչ-որ կենսագրություն է անցել, ոչ ոք անթերի չէ: Առաջարկում եմ դատել արդյունքներով, շանս տանք ու տեսնենք՝ արդյունքներն ինչպիսին են: Կային նշանակումներ, որ մեծ աղմուկ-աղաղակ բարձրացրին, բայց այս ժամանակահատվածը ցույց տվեց, որ նրանք բարձր մակարդակով իրենց գործը անում են: Եթե ես զգամ, որ իրադարձությունները կատաստրոֆիկ են ու անարդյունավետ, ապա ես անհապաղ միջոցներ կձեռնարկեմ, այդպիսի պաշտոնյան չի կարողանա շարունակել իր պաշտոնավարումը»: Նա ընդգծեց, որ իրենք աշխատում են ճիշտ կադրային քաղաքականություն վարել. «Միշտ չէ, որ ստացվում է, բայց կարող եմ ասել, որ այս պահի դրությամբ կատաստրոֆիկ խնդիրների չեն բերել։ Եթե այդպիսի բան լինի, հավատացեք, որ պատասխանատվության կենթարկվի տվյալ պաշտոնյան»։
Հետևեք մեզ Viber-ում
