«Վազգեն Սարգսյանը մտնում է եպիսկոպոսների մի խմբի մոտ և ասում է, որ պետք է ընտրեն Գարեգին Ներսիսյանին».Գևորգ Յազըճյան

«Սա մի վտանգավոր միտում է մարդկանց իրար դեմ հանելու :Որեւէ կաթողիկոսի գահից զրկելու համար անհրաժեշտ են ծիսական սխալներ, բայց Գարեգին Բ-ի ժամանակ այդ սպալները չեն եղել: Ճեմարանական կյանքը նրա օրոք մեկ աստիճանով բարձրացավ: Վեհափառի հետ ես  աշխատել եմ եւ նրանից որեւէ հայհոյանք չեմ լսել »,-Հայելի ակումբում լրագրողների հետ հանդիպմանը հայտարարեց  Գրականության ինստիտուտի փոխտնօրեն Վարդան Դեւրիկյանը։   «Որոշ բարեպաշտներ ուզում են, որ մենք թուլակամ կաթողիկոս ունենանք, ով կտրված կլինի կյանքից Այս շարժումը ծուղակ է Նիկոլ Փաշինյանի դեմ ուղղված։ Այն դանդաղ գործողության ական է, եւ ես կարող եմ փաստարկված բացատրությունը տալ: Ես չեմ ուզում հիմա հրապարակային ասել, բայց պատրաստ եմ հետագայում այդ մասին խոսել»,-հավելեց Վարդան Դեւրիկյանը և հավելեց,որ  Մայր աթոռում տարբեր խնդիրներ կան եւ դրանցով պետք է զբաղվել, հատկապես կարգալույծ հոգեւորականներին տալ հնարավորություն՝ նորից անցնելու ծառայության ։ Պատմաբան Գևորգ Յազըճյանը պատմեց. «Ընտրության նախօրեին Վազգեն Սարգսյանը մտնում է եպիսկոպոսների մի խմբի մոտ և սպառնալիքներով և հայհոյանքներով՝ ուղղված եկեղեցում իշխաններին, եպիսկոպոսներին, ասում է, որ պետք է ընտրեն Գարեգին Ներսիսյանին»: «Ներկայիս կաթողիկոսը կեղծ ձևով է ընտրվել: Այսօրվա գահակալը 1999 թվականի հոկտեմբերի 27-ից հետո, բացի Փաշինյանի ընտրությունից՝ բոլոր կեղծված ընտրություններին և հանրաքվեներին օրհնություն է տվել»,-ասաց նա: