« Սպասենք՝ տղերքը բոլորը դուրս գան»․ Արամ Մանուկյան

«Առավոտ» թերթը գրում է․ ««Ազատումս պայմանավորում եմ ոչ միայն քաղաքական իրավիճակի փոփոխությամբ, այլև հանրության շրջանում գրանցված փոփոխությամբ։ Մարդկանց գիտակցության մեջ այս ընթացքում շատ բան փոխվեց»,- լրագրողների հետ զրույցում երեկ կալանքից ազատվելուց հետո ասաց «Սասնա ծռերի» գործով ամ­բաստանյալ Արամ Մանուկյա­նը՝ նույն գործով ամբաստան­յալ, ազատամարտիկ Պավլիկ Մանուկյանի որդին։ «Պաքարն ավարտված չէ. սպասենք՝ տղերքը բոլորը դուրս գան։ Պետք է հայության հետ միա­սին նվիրվենք մեր երկիրը շե­նացնելու գործին»,- հավելեց նա։ Արամ Մանուկյանը հայտ­նեց, որ առաջնահերթ բուժման հարցերով է զբաղվելու (ՊՊԾ գնդի գրավման օրերին վիրավորվել է ոստիկանների հետ փոխհրաձգության ժամա­նակ)։ Նաև նշեց, որ մտադիր է ընդհատված ուսումը շարու­նակել Երևանի ճարտարապետաշինարարական համալսա­րանում։ Արամ Մանուկյանը մեղադրվում է ՀՀ ոստիկանու­թյան ՊՊԾ գունդը գրաված զինված խմբի կազմում ապօրինի զենք-զինամթերք ձեռք բերելու, իրացնելու, շենքեր-շինություններ զավթելու, պատանդառության, զենք-ռազմամթերք հափշտակելու և դի­տավորությամբ գույք ոչնչաց­նելու համար»։ Մանրամասն՝ թերթի այսօրվա համարում։