Արարատի մարզպետը յուրովի է հեռացնում աշխատողներին

Արարատի մարզպետ Գարիկ Սարգսյանը, ով իր պաշտոնը ստացավ հունիսի 1-ին,ՀՀ Արարատի   Նոր կյանքի համայնքապետն էր: Գ. Սարգսյանն ավարտել է ԵՊՀ Միջազգային հարաբերություններ ֆակուլտետի դիվանագիտության բաժինը: 2005-2007թթ. ծառայել է ՀՀ զինված ուժերում: 2010-2012թթ. սովորել է ԵՊՀ Եվրոպական ուսումնասիրությունների կենտրոնում (CES)՝ ստանալով եվրոպագետի մագիստրոսի աստիճան: ՀՀ-ում աշխատանք չգտնելով՝ 2012-2015թթ. մեկնել է Ռուսաստանի Դաշնություն՝ արտագնա աշխատանքի: 2015թ. մայիսի 30-ից հանդիսանում է «Քաղաքացիական պայմանագիր» կուսակցության անդամ: 2016 թ. սեպտեմբերի 18-ին ընտրվել է Նոր Կյանք համայնքի ղեկավար։ 2016 թվականի հոկտեմբերի 30-ին ընտրվել է «Քաղաքացիական պայմանագիր» կուսակցության վարչության անդամ: Երիտասարդ մարզպետը ընտրվելուց անմիջապես հետո հայտարարել էր,որ  «կադրային ջարդ» չի սպասվում, սակայն որոշ փոփոխություններ, այնուամենայնիվ, կլինեն: Վերջինս սակայն գտել է հին աշխատողներից ազատվելու սեփական տարբերակը:Նա հավաքել է բոլոր աշխատողներին և հայտարարել,որ դիմում գրեն և հեռանան բոլոր այն աշխատակիցները,ում տարիքը 35-ից բարձր է: Ասել է թե,մարզպետը շարժվում է այն տարամաբանությամբ ,ինչով որ նշանակվում են նոր կառավարության բոլոր անդամները՝տարիքային հստակ ցենզ է սահմանված: