Ինչպես են պայքարելու կոռուպցիայի դեմ

Կրթական համակարգը թաղված է կոռուպցիայի մեջ, այսօր խորհդարանում հայտարարեց Կրթության, գիտության նախարար Արայիկ Հարությունյանը՝ պատասխանելով պատգամավորների հարցերին։«Տասնյակ միլիոնավոր դրամների դրամաշնորհներ են հատկացվել նախորդ իշխանություններին կոռուպցիայի դեմ պայքարելու համար, սակայն դրանցից որևէ մեկն իր նպատակին չի ծառայել։ Ես միջազգային մեր գործընկերներին տեղեկացրել եմ, որ մենք թերևս գեթ մեկ դրամ նման նպատակի համար գումար չհայցենք։ Կոռուպցիայի դեմ մենք պայքարելու ենք մեր քաղաքական կամքով։ Մենք դրամի կարիք չունենք այդ նպատակին հասնելու համար», - հայտարարեց Արայիկ Հարությունյանը։