Ադրբեջանում շարունակվում են արգելափակված մնալ մի շարք ընդդիմադիր կայքեր

Ադրբեջանի իշխանությունները նախընտրական փուլում շարունակում են տարբեր ճանապարհներով ընդդիմադիրներին և օբյեկտիվ իրականությունը վեր հանող ընդդմիադիր մամուլին լռեցնելու գործողությունները: Շարունակում են արգելափակված մնալ մի շարք ընդդիմադիր լրատվական կայքեր: Այս մասին, հայտնում է ադրբեջանական «Թուրան» լրատվական գործակալությունը: Ադրբեջանական ընդդիմադիր azadliq.info-լրատվական գործակալության կայքի խմբագիր Ռովշան Գաջիբեյլին հայտնել է, որ շարունակում են Ադրբեջանի տարածքում արգելափակված մնալ azadliq.org (Ազատություն ռադիոկայան), azerbaycansaati.com, meydan.tv, Turan.TV կայքերը: «Վերոնշյալ կայքերն Ադրբեջանի տարածքում արգելափակվել են դեռևս 2017թ. գարնանը»,-նշել է Գաջիբեյլին: Հատկանշական է այն հանգամանքը, որ այս կայքերն արգելափակվել են միայն Ադրբեջանի տարածքում, իսկ Ադրբեջանի սահմաններից դուրս օգտատերերը կարողանում են օգտվել կայքերից: Այս հանգամանքը վկայում է, որ կայքերի արգելափակումը հիմնականում ուղղված է Ադրբեջանի ներքին լսարանին օբյեկտիվ տեղեկատվություն ստանալու հնարավորությունից զրկելու նպատակին: Աղբյուրը՝ Artsakhpress.am