Իվանիշվիլին նոր հողատարածք կստանա Վրաստանում
Վրաստանի նախկին վարչապետ, մեծահարուստ Բիձինա Իվանիշվիլին նոր հողատարածք կստանա: Թբիլիսիի քաղաքապետարանը որոշում է կայացրել, սակայն մանրամասները չի հրապարակել: Տեղեկացնում է «Ռուսթավի 2» հեռուստաընկերությունը: Նախկին ձիարշավարանի տարածքում էստակադայի կառուցման համար հարկավոր տարածքի դիմաց մայրաքաղաքի վարչակազմը պատրաստ է օլիգարխին հողատարածք տրամադրել, սակայն պարզվել է, որ Իվանիշվիլիի «Ինվեստ Կապիտալ» կազմակերպությունը ոչ թե որոշ հատված, այլ նախկին ձիարշավարանի ամբողջական տարածքին համապատասխան վայր է պահանջել: Այս փուլում հայտնի չէ, թե որտեղ կստանա Իվանիշվիլիին պատկանող կազմակերպությունն իր տարածքը: Նախկին քաղաքապետ Դավիթ Նարմանիայի ժամանակ էստակադայի նախագիծը չհաստատվեց ծառահատման հետեւանքով, մինչդեռ Կախա Կալաձեն նախագիծն իրականացնելու նպատակով ելքը տեսնում է ամբողջ ձիարշավարանը փոխարինելու մեջ: aliq.ge
Հետևեք մեզ Viber-ում
