Ի՞նչ դրամական միջոցներ են հայտարարագրել գլխավոր դատախազն ու իր ամուսինը
Գլխավոր դատախազ Աննա Վարդապետյանը 2026 թվականի մայիսի 30-ին Կոռուպցիայի կանխարգելման հանձնաժողվ է ներկայացրել 2025 թվականի գույքի և եկամուտների հայտարարագիրը։ Ըստ հայտարարագրի, նա բնակվում է ամուսնու՝ Մամիկոն Գևորգյանի հետ։ Նշված է, որ նա աշխատում է «Ռուսալ Արմենալ» ՓԲԸ-ում որպես նյութատեխնիկական մատակարարման բաժնի մասնագետ:
Աննա Վարդապետյանը հայտարարագրել է 2 բնակարան, երկուսն էլ բաժնային սեփականության իրավունքով, մեկը գտնվում է Կենտրոն վարչական շրջանում, մյուսը՝ Մալաթիա-Սեբաստիայում։
Հաշվետու տարվա սկզբում բանկային հաշիվներից մեկում եղել է 2,377 դրամ, տարվա ավարտին կազմել է 0 դրամ, մեկ այլ բանկային հաշվին նա ունեցել է 1,151,575 դրամ, տարվա ավարտին այն կազմել է 1,548,649.63 դրամ, 3 -րդ բանկային հաշվին Վարդապետյանն ունեցել է 22,062.37, տարվա ավարտին այն կազմել է 26,335.1 դրամ։
Աննա Վարդապետյանը տարվա սկզբում ունցել է 400․000 դրամ կանխիկ գումար, որը տարվա ավարտին կազմել է 300․000 դրամ։
Հաշվտու տարվա ընթացքում Աննա Վարդապետյանը եկամուտ է ստացել 4 աղբյուրից, ընդհանուր՝ 40,100,305.9 դրամ, որից 308,131.8 դրամը ստացել է բանկերից մեկից որպես փոխառություն (վարկ), 5,663,555 դրամը ՊԵԿ-ից որպես եկամտային հարկի վերադարձ, 33,241,909 դրամը դատախազությւնից որպես աշխատանքի վարձատրություն և 886,710.1 դրամը ԵՊՀ-ից որպես աշխատանքի վարձատրություն։
Գլխավոր դատախազի ստացված վարկերի և փոխառությունների մայր գումարի մնացորդը հաշվետու տարվա դեկտեմբերի 31-ի դրությամբ կազմել է 42,885,017.9 դրամ։ Վարկի մարմանն ուղղված ծախսը կազմել է 7,190,181 դրամ։ 15,700,000 դրամ Աննա Վարդապետյանը որպես նվիրատվություն է տվել։
Նրա ամուսինը 2009 թվականից եղել է «ԹԵՐՄՈ-ՄԻՆԵՐԱԼ» կազմակերպության 100% բաժնետեր, սակայն մասնակցությունը ընկերությունում 2013 թվականից դադարեցված է։
Աննա Վարդապտյանի ամուսինը՝ Մամիկոն Գևորգյանը, 2026 թվականի մայիսի 30-ին Կոռուպցիայի կանխարգելման հանձնաժողով է ներկայացրել 2025 թվականի գույքի և եկամուտների հայտարարագիրը։ Նա հայտարարագրել է երեք բնակարան Երևանում, երեքն էլ Արաբկիր վարչական շրջանում, 2-ը՝ միանձնյա սեփականության իրավունքով, 1-ը՝ բաժնային, որը Գևորգյանը 2013 թվականին ստացել է ժառանգություն, մյուս երկուսը գնել է 2007 թվականին։ Նա հայտարարագրլ է 2019 թվականի արտադրության MERCEDES-BENZ մակնիշի ավտոմեքենա, որը ձեռք է բերել 2024 թվականին։
Հաշվետու տարվա սկզբին նա բանկային հաշիվներից մեկում ունեցել է 9,892.7 դրամ, որը տարվա ավարտին կազմել է 270,376.4 դրամ։
Մամիկոն Գևորգյանը տարվա վերջում ունեցել է 500․000 դրամ կանխիկ գումար։
Հաշվետու տարվա ընթացքում նա եկամուտ է ստացել երեք աղբյուրից ընդհանուր՝ 22,614,748.5, որից 3,021,449.5 դրամը ստացել է փոխառություն բանկից, 15,700,000 դրամը ստացել է նվիրատվություն Աննա Վարդապետյանից, 3,893,299 դրամը ստացել է «ԱՐՄԵՆԱԼ» ՓԲԸ-ից որպես աշխատանքի վարձատրություն։
Մամիկոն Գևորգյանը 5,700,000 դրամ ծախսել է անշարժ գույքի վերանորոգման համար։
Հետևեք մեզ Viber-ում
