Օդանավակայանում բաժանվող ծանուցագրերը օրինական չեն. մի վերցրեք

Երեկ երեկոյան Զվարթնոց օդանավակայանում տեսա, որ ռազմական ոստիկանության մի քանի ծառայողներ ծանուցագրեր են հանձնում ՌԴ -ից ժամանող մեր հայրենակիցներին' 25-օրյա հավաքների տանելու սպառնալիքով ։
Խորհրդակցեցի հայտնի փաստաբան Վրեժ Խաչիկյանի հետ ու պարզեցի հետևյալը.
 «Զինվորական ծառայության և զինծառայողի կարգավիճակի մասին» ՀՀ օրենքի 59-րդ հոդվածի 6-րդ մասի համաձայն՝
քաղաքացին վարժական հավաքի կանչվում է իր հաշվառման վայրի զինվորական կոմիսարիատի կողմից։
  Այսինքն 25-օրյա հավաքների կարող է կանչել միայն զինկոմիսարիատը
 Ռազմական ոստիկանությունը իրավունք չունի մարդկանց կանչել կամ ծանուցել 25-օրյա հավաքների։
 Նույն' «Զինվորական ծառայության և զինծառայողի կարգավիճակի մասին» օրենքի 20-րդ հոդվածի 4-րդ մասի համաձայն, սահմանված ծանուցումները կազմակերպվում են պահեստազորում հաշվառված քաղաքացու հաշվառման վայրին կցված զինվորական կոմիսարիատի կողմից։
  Այսինքն, ձեզ կարող է 25-օրյա հավաքների կանչել միայն ձեր գրանցման և բնակության վայրի զինկոմիսարիատը իր աշխատակցի միջոցով, ուրիշ ոչ ոք։
 Ռազմական ոստիկանությունը զինկոմիսարիատի աշխատակից չէ և իրավունք չունի մարդկանց ծանուցագիր հանձնել։
 «Ռազմական ոստիկանության մասին» ՀՀ օրենքի 4-րդ հոդվածի 1-ին մասի 6-րդ կետի համաձայն՝ ռազմական ոստիկանությունը ապահովում է աջակցություն զինվորական կոմիսարիատներին զինապարտ քաղաքացիներին (...) զորահավաքային զինվորական ծառայության զորակոչելու (...) գործընթացում:
  Այսինքն, ռազմական ոստիկանությունը կարող է միայն ուղեկցել արդեն զորակոչվածներին դեպի զորամասեր։
  Ռազմական ոստիկանությունը լիազորություն չունի մարդկանց ծանուցագրեր հանձնել։
 Հետևաբար, սիրելի հայրենակիցներ, եթե այս օրերին գալիս եք Հայաստան, և օդանավակայանում ինչ-որ մեկը ձեզ բանակ տանելու ծանուցագիր է տալիս, մի վախեցեք։ Իմացեք, որ դա անօրինական է։
 Ծանուցում հանձնողներին ի պատասխան հրաժարվեք այն առձեռն ստանալուց, մի ստորագրեք որևէ փաստաթղթի տակ, այդ թվում՝ մի ստորագրեք նաև ծանուցումը ստանալուց հրաժարվելու վերաբերյալ արձանագրության տակ։
 Եթե ռազմական ոստիկանության ծառայողները ձեզ փորձեն վախեցնել, թե բերման կենթարկեն, անմիջապես զանգահարեք ոստիկանություն 102 համարով և հայտնեք ձեր ազատ տեղաշարժին խանգարելու մասին։
  Փաստաբանները պատրաստ են ձեզ աջակցել։
 Ռազմական ոստիկանության ծառայողները անմիջապես ձեզ հանգիստ կթողնեն և կհեռանան։
  Սիրելի հայրենակիցներ, Նիկոլը քաղաքական հոգեվարքի մեջ է և պետական բոլոր մարմիններին ներքաշում է հանցագործության մեջ, որ ինքը մնա։
  Մի վախեցեք ոչ մի բանից, ձեզ ոչ ոք չի կարող ապօրինի զորակոչել։
 Եկեք Հայաստան, մասնակցեք ընտրություններին, օգնեք, որ Հայաստանն ազատագրենք թուրքերից ու մնանք հայ։

Նաիրի Հոխիկյանի էջից