Ողջ պետական մեխանիզմը և ուժային մեխանիզմը լծված է հոգեբանական տեռորի և մամլիչի գործարկմանը. Վլադիմիր Մարտիրոսյան

Ինչպես նշել էի առավոտյան՝

«Ձևավորեք եթերում «փոխաջակցության դաշինք» և կտեսնեք, թե ինչպես է ձևավորվում հենց եթերում «կոնսենսուս մինուս 1-ը»:

 Արման Թաթոյանի թիրախավորումը Փաշինյանի կողմից հստակ ազդակ էր, որ Թաթոյանը մոտ է շեմը հաղթահարելուն և Փաշինյանը տիրապետում է այդ տվյալներին, ինչն այլևս անկառավարելի ռիսկ է:

 Նարեկ Կարապետյանի քաղաքական աճն ակներև է և դա փաստեց Նարեկի սոլիդ պահվածքը և Փաշինյանի անհաջող և էժան փորձը շահարկել Նարեկի տարիքը: Կարապետյան Նարեկին հաջողվել է ամենակարևորը՝ մարդիկ սկսել են սիրել նրան: Սա շատ թանկ քաղաքական կապիտալ է և դրա ազդեցության էֆեկտը Փաշինյանը շատ լավ գիտի:

 Փաշինյանական սատելիտների կատարյալ և անվերադարձ ֆիասկոն ամենաէականն էր այս դեբատներում: Եվ՛Փաշինյանը և՛ սատելիտները վերջնականապես հասկացան, որ այլևս իրար պետք չեն և քաղաքականապես փոխօգտագործված և սպառված են:

 Խոսել Փաշինյանից անիմաստ է, ինչպես, որ անիմաստ է եղել միշտ:

P.S. Ողջ պետական մեխանիզմը և ուժային մեխանիզմը լծված է հոգեբանական տեռորի և մամլիչի գործարկմանը: Մամլիչը աշխատեցվում է և միացված է ոչ միայն ընդդիմադիր ուժերի վրա, այլ նաև սեփական վարչական ռեսուրսի գերշահագործման վրա: Վաղը պոպուլիզմի գերդոզավորման և «լեգիտիմության նկար» ստանալու վերջին օրն է:

Եվ թող իրականում լինի վերջին օրը:

Վլադիմիր Մարտիրոսյան, քաղաքագետ