Պենտագոնը ևս մեկ ավիակիր կուղարկի Մերձավոր Արևելք. New York Times

New York Times-ը՝ հղում անելով ԱՄՆ վարչակազմի աղբյուրներին, գրում է, որ ԱՄՆ ռազմածովային ուժերի «Gerald R. Ford» ավիակիրն ու նրան ուղեկցող նավերը կուղարկվեն Մերձավոր Արևելք։

Լրատվամիջոցի փոխանցմամբ՝ Կարիբյան ծովում տեղակայված նավախմբի անձնակազմին այդ մասին տեղեկացրել են երեկ. նավախումբը Պարսից ծոցում պետք է միանա «Abraham Lincoln» ավիակրի հարվածային խմբին:

New York Times-ը նաև տեղեկացնում է, որ «Gerald R. Ford» ավիակիրը, որի ռազմական ինքնաթիռները հունվարին մասնակցել են Կարակասի դեմ հարձակմանը, պետք է տուն վերադառնար մարտին: Սա կլինի ԱՄՆ երրորդ ավիակիրը, որը պարեկություն կանի Մերձավոր Արևելքի ջրերում:

ԱՄՆ նախագահ Դոնալդ Թրամփը Թեհրանից պահանջում է գործարք կնքել, որը կբացառի Իրանում միջուկային զենքի առկայությունը: Նա զգուշացրել է, որ հակառակ դեպքում Իրանն ավելի հզոր հարձակման կենթարկվի, քան անցյալ ամռանը: Հունվարի վերջին ԱՄՆ–ն ռազմանավերի նավատորմ ուղարկեց Օմանի և Պարսից ծոցեր:

Ավելի ուշ Պենտագոնի ղեկավար Փիթ Հեգսեթը, որ լրացուցիչ ուժեր են ուղարկվել այնտեղ։
Ինչպես գրում են ԶԼՄ–ները, Վաշինգտոնն ակնկալում է, որ Թեհրանը լիովին կհրաժարվի ուրանի հարստացումից և կսահմանափակի բալիստիկ հրթիռների արտադրությունը։

ԱՄՆ-ի և Իրանի պատվիրակությունները փետրվարի 6-ին Մասկատում (Օման) բանակցություններ անցկացրին Իրանի միջուկային ծրագրի շուրջ։ ԱՄՆ նախագահ Դոնալդ Թրամփը հայտարարեց, որ բանակցությունները լավ ընթացք են ունեցել և կշարունակվեն։ Փետրվարի 8-ին Իրանի արտգործնախարար Աբբաս Արաղչին ընդգծեց, որ Իրանը պնդում է ուրանը հարստացնելու իր իրավունքը, նույնիսկ եթե դա պատերազմի հանգեցնի։

Երեկ Թրամփը կրկին սպառնացել է` եթե գործարքը ձախողվի, Վաշինգտոնը կանցնի գործողությունների երկրորդ փուլի, որը «շատ ծանր» կլինի Թեհրանի համար: