Եթե դա այդպես լիներ, ապա դրանցից ոչ մեկը չէր կարողանա թռչել Սլովակիայից մինչև Ուկրաինա. Սլովակիայի նախագահ

Սլովակիայի նախագահ Պետեր Պելեգրինին սխալ է որակել Ուկրաինային ՄիԳ-29 կործանիչների փոխանցումը 2022 թվականի փետրվարի 24-ից հետո։

«Ես մինչ օրս սխալ եմ համարում այն, որ Սլովակիան հրաժարվեց իր ՄիԳ-երից, որոնք այդ ժամանակ փոխարինող չունեին»,- գրել է երկրի նախագահը Facebook-ի էջում։

Նա նաև մերժել է այն ժամանակվա իշխող կոալիցիայի հայտարարությունները, թե ՄիԳ-29 ինքնաթիռները պարզապես անպետք երկաթի կույտ էին։

«Եթե դա այդպես լիներ, ապա դրանցից ոչ մեկը չէր կարողանա թռչել Սլովակիայից մինչև Ուկրաինա։ Դեռևս վարչապետ եղած ժամանակ ես անձամբ հնարավորություն եմ ունեցել կատարել թռիչք ՄիԳ-29-ով, և ինքնաթիռը կարողացավ կատարել իր առջև դրված բոլոր խնդիրները»,- նշել է Պելեգրինին։