Գերմանիայի կանցլեր. Գերմանիան չի միանա Թրամփի խաղաղության խորհրդին
Գերմանիայի կանցլեր Ֆրիդրիխ Մերցը հայտարարել է, որ բաց է Միացյալ Նահանգների հետ նոր երկխոսության համար, սակայն հավելել է, որ չի միանա ԱՄՆ նախագահ Դոնալդ Թրամփի խաղաղության խորհրդին նրա ներկայիս ձևաչափով, հայտնում է DW-ն։
«Մենք, իհարկե, պատրաստ ենք ուսումնասիրել համագործակցության այլ ձևեր, նոր ձևեր Միացյալ Նահանգների հետ», — ասել է նա ուրբաթ օրը Հռոմում կայացած մամուլի ասուլիսում։
Մերցը մի քանի շաբաթ առաջ Թրամփին հայտնել էր իր պատրաստակամությունը մասնակցելու նման կառույցին, սակայն հավելել էր, որ այն, ինչի վերածվել է այն այժմ, Գերմանիան չի կարող ընդունել իր ներկայիս կառուցվածքով «սահմանադրական հիմքերով»։
Հիշեցնենք, որ ԱՄՆ նախագահի խաղաղության խորհրդին, ի թիվս այլոց, միացել են նաև Հայաստանը և Ադրբեջանը։
Միևնույն ժամանակ, իրենց մերժման մասին հայտարարել են ԱՄՆ-ի այնպիսի դաշնակիցներ, ինչպիսիք են Ֆրանսիան, Կանադան և Բելգիան։
Հետևեք մեզ Viber-ում
