Մեկնարկում է բուհերի ընդունելության միասնական քննությունների հիմնական փուլը

Մեկնարկում է 2025 թվականի բուհերի ընդունելության միասնական քննությունների 2-րդ՝ հիմնական փուլը։

Առաջին քննական օրը՝ հունիսի 10- ին, ողջ հանրապետությունում «Քիմիա» է հանձնելու 1174, իսկ «Ռուսաց լեզու»՝ 309 դիմորդ, որից Երևանում՝ 495-ը հանձնելու են «Քիմիա», 78-ը՝ «Ռուսերեն», մարզերում՝ 679-ը՝ «Քիմիա», 232-ը՝ «Ռուսերեն»։

Քննական կենտրոնները 16 են՝ 11-ը մարզերում և 5-ը՝ Երևանում։

Մայրաքաղաքի քննական կենտրոններն են՝ թիվ 14 հիմնական, թիվ 168 հիմնական, թիվ 189 ավագ, թիվ 190 ավագ, թիվ 20 հիմնական դպրոցները։

Նշված բոլոր քննական կենտրոններում «Քիմիա» առարկայի քննություն է, թիվ 189 ավագ դպրոցում՝ նաև «Ռուսաց լեզվի»: Այս մասին հայտնում է ԳԹԿ մամուլի քարտուղար Խաչանուշ Գրիգորյանը: