Հանրապետության տարածքում սպասվում է բուք, առանձին շրջաններում՝ տեղումներ

Հանրապետության տարածքում մարտի 15-ին և 16-ին շրջանների մեծ մասում, մարտի 17-ի գիշերն առանձին շրջաններում սպասվում են տեղումներ, լեռնային գոտիներում՝ ձյան, նախալեռնային և հովտային գոտիներում՝ ձնախառն անձրևի և անձրևի տեսքով։Մարտի 15-ին և 16-ին առանձին հատվածներում տեղումները կլինեն զգալի։

Լեռնային շրջաններում սպասվում է նաև բուք, ցածր հորիզոնական տեսանելիություն, ավտոճանապարհներին՝ մերկասառույց։

Մարտի 17-ի ցերեկը, 18-ին և 19-ին սպասվում է առանց տեղումների եղանակ։ Քամին հյուսիսարևելյան է` 2-5 մ/վ։ Օդի ջերմաստիճանը մարտի 15-ի և 16-ի գիշերն աստիճանաբար կբարձրանա ևս 3-6 աստիճանով։Երևանում մարտի 15-ին և 16-ին ժամանակ առ ժամանակ, 17-ի գիշերն սպասվում է անձրև։ Մարտի 17-ի ցերեկը, 18-ին և 19-ին սպասվում է առանց տեղումների եղանակ։