«Բարոյականության մասին ամենաշատը խոսում են անբարոյականները․․․»

Բարոյականության մասին ամենաշատը խոսում են անբարոյականները, իսկ գաղութ հանդիսացող Հայաստանի վարչապետն ասում է, որ ՀՀ-ն երբեք այսքան ինքնիշխան չի եղել։ Հայաստանն այնքան ինքնիշխան է, որ Ադրբեջանի հետ խաղաղության համաձայնագրի կետերը Ադրբեջանն է թելադրում, դեռ մի բան էլ ավելին՝ նոր, համաձայնագրից դուրս պահանջներ է ներկայացնում։ Հայաստանն այնքան ինքնիշխան է , որ երկրի մետաղական հանքերը օտար, օֆշորում գրանցված ընկերություներն են շահագործում, հսկայական շահույթներ ստանում։ Նույնիսկ 3 տարի պատերազմի մեջ գտնվող, հյուծված Ուկրաինան իր մետաղական հանքերը լիովին չտվեց ԱՄՆ-ի շահագործմանը, պայմանավորվեց դրանք 50-50 տոկոսներով, համատեղ շահագործել; Հայաստանում էլցանցը, բնական գազի մատակարար-բաշխիչ ցանցը, երկաթուդու և ատոմակայանի կառավարումը, խմելու ջրի մատակարար ընկերությունը և ուրիշ շատ բաներ օտարներին են պատկանում։ Այնքան ինքնիշխան ենք, որ 13 միլիարդ դոլար պետական պարտք ունենք։ Օրերս, ֆուտբոլային խաղի ընդմիջմանը, ալիքներ փոխելով՝ <<Սյունիք>> մարզային հեռուստաընկերության եթերում խրոխտ ռեպորտաժ տեսա Զանգեզուրի պղնձամոլիբդենային կոմբինատում արտադրության աճի, նոր տեխնոլոգիաների մասին։ Ի՞նչ տեխնիկական առաջընթաց, եթե բաց հանքից հանքանյութը հանում են, աղում, հարստացնում, ուղարկում արտերկիր։ 21-րդ դարն է, մարդիկ Մարս թռչելու մասին են մտածում, Հայաստանում դեղին պղինձ դեռ չեն արտադրում։

Այս մասին գրել է լրագրող Ոսկան Սարգսյանը։