Հայ–ադրբեջանական սահմանին ռազմական տեխնիկայի տեղաշարժը նկարահանելու համար Ադրբեջանում 18-ամյա բլոգեր է ձերբակալվել
Ադրբեջանի պետական անվտանգության ծառայությունը հայ–ադրբեջանական սահմանին ռազմական տեխնիկայի տեղաշարժը նկարահանելու համար ձերբակալել է 18-ամյա բլոգերի:
Ըստ ադրբեջանական լրատվամիջոցների՝ տեսանյութը տարածվել է մարտի 15-ին TikTok-ում։
Ինչպես հաղորդվում է՝ ադրբեջանական բանակը սահմանին պատրաստվում է ռազմական գործողությունների։ Ծառայությունը պնդում է, որ կադրերը նկարահանվել են այս տարվա փետրվարի 27-ին։
«Հաստատվել է, որ Ադրբեջանի Հանրապետության քաղաքացի, 2007 թ. ծնված Ռուստամով Սամեդ Բահման օղլուն 2025թ. փետրվարի 27-ին տեսանկարահանել է Ադրբեջանի Հանրապետության զինված ուժերին պատկանող զինտեխնիկայի տեղաշարժը Գյադաբեյի շրջանի տարածքում (ՀՀ Գեղարքունիքի մարզի սահմանին. խմբ.) և օրենքով արգելված այդ տեսանյութը 2025թ. մարտի 15-ին հրապարակել «TikTok» սոցիալական ցանցի իր էջում», - ասված է հաղորդագրության մեջ:
ՊԱԾ-ում քրեական գործ է հարուցվել,այլ մանրամասներ չեն հաղորդվում:
Հետևեք մեզ Viber-ում
