Գազայի հատվածում իսրայելական ավիահարվածների հետևանքով կա 400 զոհ, այդ թվում՝ երեխաներ
Առնվազն 404 մարդ, նրանց թվում՝ երեխաներ, զոհվել են Իսրայելի նոր ավիահարվածների հետևանքով, որոնք խախտել են Գազայում հրադադարի ռեժիմը, տեղեկացնում է Al Jazeera-ն։
Ըստ անկլավի Առողջապահության նախարարության՝ զոհերի թիվը կարող է աճել, քանի որ բազմաթիվ զոհեր փլատակների տակ են մնացել:
Ըստ Al Jazeera-ի՝ Իսրայելը, որն ավելի քան երկու շաբաթ է, ինչ ամբողջական շրջափակման մեջ է պահում Գազան, մի քանի շրջաններում բնակչության հարկադիր տեղահանման նոր հրամաններ է արձակում:
Նշվում է նաև, որ ավելի վաղ Իսրայելի օդային հարվածները, որոնք ամենաինտենսիվն էին վերջին հրադադարից հետո, դատապարտել էին Իրանը, Ռուսաստանը, Եգիպտոսը և ՄԱԿ-ը։