Կալիֆոռնիայում շուրջ 35 հազար շենք առանց Էլեկտրականության Է մնացել հրդեհի պատճառով

Կալիֆորնիա նահանգի Լոս Անջելես քաղաքում հրդեհի պատճառով առանց Էլեկտրականության Է մնացել 34 646 տուն եւ ձեռնարկություն: Այս մասին հայտնում է The Guardian-ը։

Վերջին տվյալներով ՝ առանց ԷլեկտրաԷներգիայի են մնում Southern California Edison-ի շուրջ 18,4 հազար հաճախորդներ, ինչպես նաեւ Լոս Անջելեսի ջրային ռեսուրսների եւ էներգետիկայի դեպարտամենտի շուրջ 16,1 հազար հաճախորդներ եւ Pasadena Water and Power-ի շուրջ 100 հաճախորդներ:

Կալիֆոռնիայի նահանգի այլ շրջաններում նույնպես էլեկտրաէներգիայի անջատումներ են նկատվում: Սան Բերնարդինոյում առանց Էլեկտրականության Է մնացել 8333 շենք, Ռիվերսայդում ՝ 7152, իսկ Սանտա Բարբարայում ՝ 2081։