Ադրբեջանը դադարեցրել է գազի մատակարարումը Սերբիա. Վուչիչ

Ադրբեջանը Սերբիային տեղեկացրել է, որ ստիպված է եղել դադարեցնել օրական 1,7 միլիոն խորանարդ մետր գազի մատակարարումը «Շահ Դենիզ» հանքավայրում առկա խնդիրների պատճառով, ասել է Բալկանյան հանրապետության նախագահ Ալեքսանդր Վուչիչը, փոխանցում է ՏԱՍՍ-ը։

«Վատ լուրը երբեք մենակ չի գալիս, միշտ գալիս է երկրորդը, հետո՝ երրորդը: Մենք ծանուցում ենք ստացել մեր ադրբեջանցի եղբայրներից և ընկերներից, որ անհաղթահարելի դժվարությունների, «Շահ Դենիզ» հանքավայրի խնդիրների պատճառով մենք այսօրվանից չենք կարող հույս դնել օրական 1,7 մլն խմ գազի վրա, որը ստանում էինք։ Այստեղ ասվում է. «Ոչ մի վստահություն կամ հստակություն չկա, թե որքան ժամանակ կպահանջվի գազի մատակարարման վերականգնման համար»: Ձեզ համար սերբերեն կթարգմանեմ, սիրելի ժողովուրդ։ Սա նշանակում է, որ այսօրվանից մենք կսկսենք շատ ավելի ուժեղ և ավելի օգտագործել սեփական ռեզերվները»,- ասել է Վուչիչը մամուլի ասուլիսի ժամանակ։