Փորձում են ճնշում գործադրել «Սրբազան պայքարի» մասնակիցների նկատմամբ․ փաստաբան

Սրբազան պայքարի աջակիցներն այս պահին ՀՀ ՄԻՊ գրասենյակի մոտ եմ՝ ընդդեմ իրավական համակարգի կամայականությունների։

Հիշեցնենք, որ ապօրինի զենք, զինամթերք պահելու, կրելու կասկածանքով Ոստիկանության կողմից բաժիններ են տեղափոխվել 9 անձ, որոնցից երկուսը՝ նախօրեին, մյուսները՝ հոկտեմբերի 30-ի ուշ երեկոյան։ Ընդ որում, ըստ փաստաբանների, կեղծ օպերատիվ տվյալների հիման վրա ձերբակալությունների առաջին դեպքը չէ, վերջին օրերին արդեն արատավոր պրակտիկա է ձևավորվել։

Փաստաբան Մկրտիչ Դավթյանը լրագրողների հետ զրույցում ասաց, որ անձանց կանգնեցրել են՝ պատճառաբանելով, որ ցանկանում են զննություն իրականացնել, թեև խուզարկություն են իրականացրել, տեսել, որ մեքենայում որևէ զենք-զինամթերք չկա, խուզարկությամբ էլ տեսել են, որ չկա, պարտավոր էին ազատ արձակել։

«Իրենք իրավունք չունեն ցանկացած մեքենա կանգնեցնել։ Եթե օպերատիվ տվյալներ ունեն, որ ինչ-որ մեքենայում զենք կա, ապա պետք է նույնականացվի մեքենան՝ համարանիշը, գույնը, մակնիշը կամ անձանց արտաքին տվյալները նկարագրվի։ Այս դեպքում նման փաստ չկա»,- ասաց փաստաբանը՝ նշելով, որ արտառոց երևույթ էլ կա, ձերբակալված անձանցից մեկի պնդմամբ, երբ արձանագրություն էին կազմել ձերբակալման, անձը ստորագրել է, ինչից հետո՝ ստորագրության վերևը՝ ավելացրել են զենքի կասկածանքով։ Փաստաբանը նշեց, որ դա արդեն պաշտոնեական կեղծիք է։

Հարցին՝ ի վերջո ինչ էին փնտրում՝ փաստաբանը պատասխանեց՝ նշելով, որ ոչինչ էլ չեն փնտրում, փորձում են հոգեբանական ճնշում գործադրել պայքարի մասնակիցների նկատմամբ՝ փորձելով նրանց ստիպել, որ այլևս չշարունակեն պայքարը՝ հանուն հայրենիքի ազատագրման, ընդդեմ՝ հայրենիքի մաս-մաս հանձնման գործընթացի։

Աղբյուր` Փաստինֆո