Ես 1,5 տարի կալանավորված եմ եղել ապօրինի՝ չեղած հոդվածով, որևէ մեկը ներողություն չի խնդրել․ Քոչարյան

Ես 1,5 տարի կալանավորված եմ եղել ապօրինի՝ չեղած հոդվածով, որևէ մեկն առ այս պահը ներողություն չի խնդրել դրա համար, ոչ դատախազությունը, որ որևէ պետական մարմին։ Ավելին, շարունակում են աճպարարությամբ այս գործը հետ բերել դատարան՝ ինչ-ինչ նպատակներով։ Այն, ինչ կատարվում է՝ իրավական խուլիգանություն է։ Ոչ միայն այս գործով։ Այս մասին լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանը։

Նա հայտնեց, որ պատրաստվում են ինքնաբացարկի միջնորդություն ներկայացնել։

«Այն, ինչը կատարվում է աբսուրդի ժանրից է և ընդհանրապես կապ չունի իրավաբանության հետ»,- ասաց երկրորդ նախագահը։