Երբ կույրը կույրերին է առաջնորդում այդպես է լինում․ Բագրատ Սրբազան

«Տեխնիկան կիրառելու ժամանակ ներգրավել են գյուղացիներին, քաղաքացիական բնակչությանը։Ամեն ինչի մեջ են անփույթ , նույնն այս դեպքում է՝ ո՛չ անվտանգություն, ո՛չ պաշտպանություն»,- ասաց Սրբազանը՝ անդրադառնալոց երեկ Կիրանց գյուղում տեղի ունեցած պայթյունի դեպքին, որի ընթացքում տրակտորի կիրանցեցի վարորդը վնասվածք էր ստացել։

Հիշեցնենք, որ այս պահին Բագրատ Սրբազանը Երևանի Ավան վարչական շրջանի Ծարավ աղբյուր թաղամասում հանդիպում է բնակիչների հետ։

Ինչ վերաբերում է սահմանազատման ու սահմանագծման գործընթացին, Սրբազանն ասաց․ «Մեռածը մեռած էլ պետք է մնա, ուղղակի պետք է թաղել։ Երբ կույրը կույրերին է առաջնորդում այդպես է լինում, ընկնում են խորխորատ»։

Ինչ վերաբերում է շարժման մասին Տիգրան Ավինյանի հնչեցրած հայտարարություններին՝ գաղափարական, արժեքային տարբերություններ է տեսնում, նաև ՝ ժողովրդավարության վերաբերյալ կան տարբեր պատկերացումներ։

«Մենք խոսում ենք ժողովրդավարության մասին, իրենք ՝ «Զարյա 3»-ի, ռումբերի, աթոռների ու փողերի մասին։ Ես գնահատական չեմ ուզում տալ, որովհետև թեմատիկ այդ մակարդակը չկա, որ ես մտնեմ այդտեղ»,- ասաց նա։

Բագրատ Սրբազանը նաև հայտնեց, որ աշնանը սպասվում է ավելի ակտիվ պայքար։

«Բայց մենք որքան խոսում ենք այդ մասին, նրանք պատրաստվում են։ Մեր տեղեկություններով՝ ոստիկանական զորքերի համար տարբեր գործիքներ են ներմուծում Հայաստան։ Երբ փաստը կլինի մեր ձեռքին՝ կխոսենք»,- հավելեց Սրբազանը։

Աղբյուր` Panorama.am