Ադրբեջանին արվող միակողմանի զիջումները ոչ թե խաղաղություն, այլ՝ նոր պատերազմ են բերելու

Այն, ինչ Նիկոլ Փաշինյանը և ՔՊ-ն ներկայացնում ե ն որպես Տավուշում սահմանազատում, Ադրբեջանում կոչում են <<Ղազախի 4 գյուղերի վերադարձ Ադրբեջանին>>։ Ադրբեջանի բռնապետ Իլհամ Ալիևը չի ցանկանում Հայաստանի հետ խաղաղություն, այլապես խաղաղության պայմանագիր կնքելու համար բազում նախապայմաններ չէր առաջադրի՝ Հայաստանի զինվելու բացառում, <<ռևանշիստական >> ուժերի չեզոքացում, Հայաստանի սահմանադրության փոփոխություն, Խոջալուի <<ցեղասպանության>> համար ներողության խնդրում և այլն։ Ադրբեջանում եթե Հայաստանի հետ խաղաղություն ցանկանային,լրատվամիջոցներում, հանրության մեջ հակահայկական քարոզչությունը այդքան մեծ չափերի չէր հասնի։ Ադրբեջանում ասում են, որ ևս 4 գյուղեր-անկլավների Ադրբեջանին <<վերադարձնելը>> իրենց համար շատ կարևոր է։ Խոսքը Բարխուդարլու, Սոֆուլու, Վերին Ոսկեպար(Յուխարի Ասքիպարա) և Տիգրանաշեն գյուղերի մասին է։ Ադրբեջանական լրատվամիջոցները կեղծում են, թե Ասքիպարա ադրբեջաներեն նշանակում է հին շեն, իրականում դա Ոսկեպար բառի ադրբեջանական, աղավաղված անվանումն է ։ Ադրբեջանը Կիրանցի, Ոսկեպարի եկեղեցիները համարում է աղվանական, Հայաստանի տարածքը՝ Արևմտյան Ադրբեջան։ Նիկոլ Փաշինյանի և նրա իշխանության կողմից Ադրբեջանին արվող միակողմանի զիջումները ոչ թե ճանապարհ են դեպի Ադրբեջանի հետ կայուն խաղաղություն, այլ՝ դեպի նոր պատերազմ, որտեղ մեր դիրքերը, արվող տարածքային զիջումներից հետո, շատ խոցելի են լինելու։

Ոսկան Սարգսյանի գրառումը