Կառավարության շենքի մոտից երեք անձ է բերման ենթարկվել
Ոստիկանության ծառայողները կառավարության շենքի մոտից 3 անձի են բերման ենթարկել։ ՀՀ ՆԳՆ ոստիկանությունից «Փաստինֆո»-ին հայտնեցին, որ երեք անձ ՎԻՎ օրենսգրքի 182 հոդվածով նախատեսված արարքի համար բերվել է ոստիկանություն։ Նշենք, որ Վարչական իրավախախտումների վերաբերյալ օրենգսրքի 182-րդ հոդվածը վերաբերում է ոստիկանության ծառայողի օրինական պահանջը չկատարելուն։
Հիշեցնենք, որ կառավարության շենքի մոտ ոստիկանական մեծաքանակ ուժեր են բերվել։ Այս պահին բողոքի ակցիա է իրականացվում շենքի մոտ։