Թուրքիան հերքում է արտահանման արգելքը մեղմացնելու մասին իսրայելական ԶԼՄ-ների տեղեկատվությունը
Թուրքիայի առևտրի նախարար Օմեր Բոլաթը «բացարձակ հորինվածք» է անվանել Իսրայելի հետ արտահանման և ներմուծման արգելքի բացառությունների մասին իսրայելական լրատվամիջոցների տեղեկությունները, գրում է ermenihaber.am-ը:
X սոցիալական ցանցում Բոլաթը գրել է, որ հրապարակված հայտարարությունները «լիովին մտացածին են և իրականության հետ կապ չունեն»։
Նա հավելել է, որ արգելքը կգործի այնքան ժամանակ, քանի դեռ Գազայի հատվածում մշտական հրադադար չի հաստատվել ։
Ավելի վաղ իսրայելական «Globes» լրատվական պորտալը, հղում անելով իսրայելցի և թուրք պաշտոնյաներին, հայտնել էր, որ Անկարան ներմուծման և արտահանման արգելքի ցանկից բացառել է իսրայելական շինարարական մի շարք ապրանքներ:
Հիշեցնենք, որ անցած շաբաթ Թուրքիայի նախագահ Ռեջեփ Թայիփ Էրդողանը հայտարարել էր Իսրայելի հետ առևտրի սահմանափակումների մասին։
Հետևեք մեզ Viber-ում
