«Գողն» ու նախկինի նախկինը՝ «կատաղած շների» մասին (vidoe)

Այսօր ԱԺ-ում ՀՌՀ նախագահ Տիգրան Հակոբյանը  Հեռուստատեսության և ռադիոյի հանձնաժողովի տարեկան զեկույցն է ներկայացնում։

ԱԺ ՔՊ-ական պատգամավոր Խաչատուր Սուքիասյանը, Հակոբյանին հարց ուղղելիս մի քանի նկատառումներ արեց․ «30 տարի է պետություն-մամուլ, քաղաքացի-մամուլ կապը չի հաստատվում։ Մամուլն այսօր ամենաոչթափանցիկ կառույցն է, որը մենք փաստում ենք։ Պետք է թափանցիկ լինի, ովքեր են մամուլին ֆինանսավորողները․․․»։

Արձագանքելով Սուքիասյանի խոսքին՝ Տիգրան Հակոբյանն ասաց, որ իրենք փորձում են վերահսկողություն սահմանել,սակայն ճնշումներ չեն կարող գործադրել․ «Մեզ մոտ և ամբողջ աշխարհում փորձում են շատ մեծ ճնշման տակ չդնել մամուլին, քանի որ մամուլը «ժողովրդավարության կատաղած շներն են»․․․»։

Խաչատուր Սուքիասյանն էլ իր հերթին ավելացրեց, որ այլ երկրներում մամուլը թափանցիկության հետ կապված խնդիր չունի, բայց շատ ավելի ազատ է․ «Ասում են մամուլն ազատ է լինում, բայց միևնույն ժամանակ թափանցիկ։ Սակայն ո՞վ ասաց, որ այլ երկրներում ասում են՝ ֆոլգայի մեջ փաթաթած փողերը բեր, տար բաժանի․․․»։

 Հատկանշական է, որ այսօր մամուլի թափանցիկությունից, փող բաժանելուց խոսում են մարդիկ, որոնցից մեկը հաստատված ու ապացուցված գող է, իսկ մյուսը՝ նախկինից նախկին, ում անունը հաճախ շրջանառվել է այս կամ այն անձանց գումարով աջակցելու հետ։

2012 թ. դեկտեմբերի 24-ին, ՀՀ քրեական օրենսգրքի 214-րդ հոդվածի 2-րդ մասով գործ էր հարուցվել այսօրվա ՀՌՀ նախագահ Տիգրան Հակոբյանի նկատմամբ։

Այս ժամանակ Տիգրան Հոկբյանն ընդունել էր իր մեղքը, ավելին՝ այդ մեղքի մի մասը բարդել գործընկերոջ` Լեւոն Տեր-Պետրոսյանի խոսնակ Արման Մուսինյանի եղբոր վրա։

Դատարանը հաստատված էր համարել Տիգրան Հակոբյանի մեղավորությունը։

Իսկ նախկին գործարար, այսօր ԱԺ պատգամավոր Խաչատուր Սուքիասյանը՝ լինելով նախկինից ամենանախկինը, սիրում է խոսել նախկինների մասին, անընդհատ օրինակներ է բերում նախկինների «թալանի» մասին։