«Մակրոնին հարցրել եմ, եթե Թուրքիան հարձակվի, Ֆրանսիան կպաշտպանի՞ Հայաստանը»․ Մուրադ Փափազյան

ՀՅԴ Բյուրոյի անդամ, Ֆրանսիայի հայկական կազմակերպությունների համակարգող խորհրդի (CCAF) համանախագահ Մուրադ Փափազյանի հարցազրույցն ամբողջությամբ։

Հիմնական թեզերը․

•  Այո՛, իմ, նախագահ Մակրոնի և Նիկոլ Փաշինյանի միջև հանդիպում եղել է։
•  Ես Մակրոնին հարցրել եմ, եթե Հայաստանի դեմ Թուրքիան ու Ադրբեջանը որոշեն զենքով գալ, Եվրոպան կպաշտպանի՞, Ֆրանսիան կպաշտպանի՞, Ամերիկան կպաշտպանի՞, հիմա, գետնի վրա։ Պատասխանը՝ ո՛չ։
•  Կապ չունի պրոռուս լինենք, հակառուս լինենք քիչ թե շատ պաշտպանելու կարողությունը դաշնակից Ռուսաստանինն է։
•  Ֆրանսիայի նախագահը, վարչապետը , բոլոր կուսակցությունները միակամ են հայերի ու Հայաստանի, Արցախի ժողովրդի խախտված իրավունքների հարցում։
•  Արցախում տեղի ունեցածը Ֆրանսիայում գնահատվել է որպես էթնիկ զտում, բարձրացվել է Արցախի ժողովրդի վերադարձի հարցը՝ միջազգային մեխանիզմներով , միջազգային պաշտպանության ներքո, նշվել, որ չի կարելի ստիպել հայ ժողովրդին՝ աշխարհաքաղաքական ծանր իրավիճակում, կայացնել որոշում ու կատարել ընտրություն՝ Ռուսաստանի ու Թուրքիայի միջև։
• Որևէ հայկական իշխանություն սփյուռքի որևէ կառկառուն ներկայացուցչի համար չի փակել հայրենիք վերադառնալու հնարավորությունը։ Այդ բանը արել է միայն իբրև թե ժողովրդավար Նիկոլ Փաշինյանը։ Մակրոնի մոտ նա ասաց, որ պատճառն իր դեմ ցույցեր կազմակերպելն էր, ինչը՝ սուտ է։