Խորվաթիայի հավաքականի գլխավոր մարզիչը վճռորոշ խաղից առաջ պաշտոնանկ է արվել

Խորվաթիայի ֆուտբոլային միությունը հայտարարել է ազգային հավաքականի գլխավոր մարզչի պաշտոնից Անտե Չաչիչի հեռանալու մասին: Տվյալ որոշումն ընդունվել է սեփական հարկի տակ Ֆինլանդիայի ընտրանու հետ 1:1 հաշվով ավարտված խաղից հետո, ինչը հարցականի տակ է դրել Խորվաթիայի հավաքականի՝ Աշխարհի առաջնության եզրափակիչ փուլ դուրս գալու հարցը: Խորվաթիայի ընտրանու նոր գլխավոր մարզիչ է նշանակվել 50-ամյա Զլատկո Դալիչը, որի նախորդ աշխատավայրը եղել է էմիրաթական «Այլ Այն»-ը: Հոկտեմբերի 9-ին խորվաթներն ընտրական փուլի վճռորոշ խաղում Կիևում հանդիպելու են Ուկրաինայի հավաքականին: