Ում է Արոնյանը նվիրում հաղթանակը

Այսօր լրագրողների հետ հանդիպման ժամանակ շախմատի աշխարհի գավաթի խաղարկության կրկնակի հաղթող Լևոն Արոնյանը ասաց, որ աշխարհի գավաթի խաղարկության հաղթանակը նվիրում է նրանց, ովքեր դժվարին պահին աջակցել և եղել են իր կողքին: «Լարվածությունն այնքան մեծ չէր, ինչպես առաջին կամ երկրորդ անգամ էր: Այս անգամ գիտեի, որ ես ուրիշ հնարավորություն չէի ունենա հավակնորդների մրցաշարի ուղեգիր նվաճելու համար: Ինձ համար լարված մրցաշար ստացվեց: Հպարտ եմ, որ մեծ հաղթանակ տոնեցի: Լագրավի հետ հանդիպումը բարդ էր: Հուզմունքս ավելացավ, երբ Լագրավի հետ արագ շախմատում վատ խաղացի»,-նշել է Արոնյանը: